盛記粥麵

营业中

休息中

媽媽要去寶靈街買嘢，買完就去醫肚，喺附近兜咗個大圈後媽媽話要食雲吞麵，於是就同佢嚟咗盛記。估唔到下晝兩點幾間舖頭都咁多人，不過好彩啱啱有人埋單。今次點咗個淨雲吞、北菇滑雞粥、蠔油冬菇、炸両同埋一碟菜芯。淨雲吞一碗有8粒，超抵食之餘，媽媽都覺得好食到問我有無得買生雲吞拎返屋企。蠔油冬菇夠哂入味又夠淋，仲要滑一滑，真係好好味。北菇滑雞粥比想像中大碗好多，雞嘅份量都好多又夠滑。最後嚟到嘅係炸両，即叫即整之餘，望落去碟炸両晶凝通透閃令令，食落仲脆卜卜！食到我哋兩個飽到上心口都係$170。