影片
更多
2022-12-04
100 浏览
榮哥廚房私房菜榮哥自家甜酸齋係其中一道前菜，酸齋入味，令人開胃。接住以木製器皿盛載三款唔同嘅前菜，賣相精緻，菜式創新而且美味。本地水耕沙律菜伴芝麻醬，酸甜清新。雙色墨魚仔，爽口彈牙。茶燻流心蛋伴黑魚子醬配厚切茄子，茶燻流心蛋香味濃郁，流心蛋部份配魚子醬，份外滋味。中湯分別係原盅燉哈密瓜螺頭黑毛豚肉湯，同原盅燉姬松茸淮山甘筍黑毛豚肉湯，兩款湯都非常養生滋潤，姬松茸淮山同螺頭各有嚼勁，黑毛豚肉湯更十分入味。黑松露醬炒花尾躉班球配鮮蘆筍，花尾躉斑球啖啖肉，配黑松露醬炒得非常香口，黑松露味芬芳撲鼻，鮮蘆筍低調，卻唔失色，食到索索聲。蝦球水芙蓉，份外精緻，蛋白部份幼滑滋潤，芡汁亦十分出色。韓泡汁煮牛面肉配雙色蘿蔔，牛面肉非常容易嚼，脂肪同埋牛肉部份分布分明，感覺重骨膠原，而且芡汁濃郁，煮泡得非常入味。荷香蟲草花牛肝菌蒸沙欄雞，沙欄雞蒸得差不多皮肉剛分離嘅狀態，以蟲草花同牛肝菌調味，令雞肉更入味。魚湯有機時令鮮蔬同大紅大紫炒飯，同樣出色，時令鮮蔬帶出一點清新草青味。大紅大紫嘅炒飯混合左紅菜頭，令炒飯更有特色更有口感。最後嘅湯圓甜品，芝麻湯圓，填補埋胃部僅餘嘅空間，令全晚同朋友相聚愉快嘅私房菜晚餐更
榮哥自家甜酸齋係其中一道前菜，酸齋入味，令人開胃。
接住以木製器皿盛載三款唔同嘅前菜，賣相精緻，菜式創新而且美味。
本地水耕沙律菜伴芝麻醬，酸甜清新。雙色墨魚仔，爽口彈牙。茶燻流心蛋伴黑魚子醬配厚切茄子，茶燻流心蛋香味濃郁，流心蛋部份配魚子醬，份外滋味。
中湯分別係原盅燉哈密瓜螺頭黑毛豚肉湯，同原盅燉姬松茸淮山甘筍黑毛豚肉湯，兩款湯都非常養生滋潤，姬松茸淮山同螺頭各有嚼勁，黑毛豚肉湯更十分入味。
黑松露醬炒花尾躉班球配鮮蘆筍，花尾躉斑球啖啖肉，配黑松露醬炒得非常香口，黑松露味芬芳撲鼻，鮮蘆筍低調，卻唔失色，食到索索聲。
蝦球水芙蓉，份外精緻，蛋白部份幼滑滋潤，芡汁亦十分出色。
韓泡汁煮牛面肉配雙色蘿蔔，牛面肉非常容易嚼，脂肪同埋牛肉部份分布分明，感覺重骨膠原，而且芡汁濃郁，煮泡得非常入味。
荷香蟲草花牛肝菌蒸沙欄雞，沙欄雞蒸得差不多皮肉剛分離嘅狀態，以蟲草花同牛肝菌調味，令雞肉更入味。
魚湯有機時令鮮蔬同大紅大紫炒飯，同樣出色，時令鮮蔬帶出一點清新草青味。大紅大紫嘅炒飯混合左紅菜頭，令炒飯更有特色更有口感。
最後嘅湯圓甜品，芝麻湯圓，填補埋胃部僅餘嘅空間，令全晚同朋友相聚愉快嘅私房菜晚餐更圓滿。
张贴
