SuperNormal (淘大商場2期)

营业中

休息中

行街見到距個牛排好吸引，價錢又合理，7:45pm後入座仲有85折，所以就入去食。柚子新蝦沙律沙律用做左醋，酸酸地，幾開胃。蝦都算彈牙，不過份量唔多。柚子份量比較少，有少少失望。封門牛柳我怕食生，所以叫左7成熟。牛柳生熟程度剛剛好，好juicy夾埋個汁，好match。另外配菜都ok，有幾款蔬菜，女仔黎講份量都足夠。草莓熱情果蘇打玫瑰荔枝蘇打兩杯野飲都好飲，唔係死甜，尤其玫瑰荔枝蘇打，玫瑰既花香再加荔枝，好fresh。而草莓熱情果蘇打比較甜，草莓味都好出。個人比較推介玫瑰荔枝蘇打。6月脆豬手仲有特價$98，不過今次我地得兩個人，食唔晒，所以無叫到，下次可以試下。