豊勝手丼 (已結業)

星期一至五，好乖咁放工返屋企。足足一星期無去街。今日朋友約試試呢間位於銅鑼灣登龍街既豊勝手丼。即刻say yes。 成間餐廳既裝潢都好日式，可以呃下自己當去左日本開飯識叫，一定叫親子丼。如果驚食唔哂，可以叫少飯，好多時食到尾因為太多飯，飽得好辛苦。同朋友傾左2句口罩行情，好快就上菜，開飯。。。。。滿滿既三文魚子，粒粒都脹卜卜，少少咸，好鮮味，配合正宗日本米飯，好鬼滿足，因為三文魚籽好新鮮，而且略帶少少咸所以豉油都唔洗落。三文魚，不過不失，如果可以厚切會豐富好多。 最後想特別介紹個飯，第一口就係食佢個日本白飯底，好似食拉麵，第一口要試佢個湯。豊勝手丼用日本珍珠米，飯既底味撈得唔錯，唔會過酸搶左飯本身既香甜味，而且有少驚喜係佢灑左少少芝麻係飯上面，其實好多丼飯都會落芝麻，但豊勝手丼個芝麻特別香口。同個飯好夾。 其實以佢既食物質素，裡𥚃外外都好日式既裝潢設計，同埋個好有禮貌既侍應生，呢個親子丼都只係$148，日本癮起既時候，絕對係可以頂一頂。🤣🤣🤣🤣