博居酒屋

营业中

休息中

真係好鍾意食串燒，今日專登黎太子呢間博居酒屋🏮試吓，平時食串燒都係一串串咁嗌，有時都好選擇困難，呢間居酒屋🏮好貼心咁有三個套餐係幫你配搭好食咩串燒，啱晒我呢啲懶人，我哋分別嗌佐一份雛菊，一份紅葉🍁，我地坐正係吧枱度，師傳一燒完就可以即刻食到，首先上佐免治雞肉軟骨棒，配埋日本蛋漿，天作之合，燒帶子，黑豚肉大蔥串，紫蘇葉豬肉串一碟上，豚肉真係燒得好juicy 好好食😋，之後就上雞腎同紫蘇葉魷魚卷，雞腎係完全唔硬，好好咬，魷魚彈牙，再之後就係牛脷心同香蔥牛燒，牛脷心好厚身好大件，最驚喜最好食嘅係香蔥牛燒，超腍，真係入口即化，我好鍾意，食完肉要食下蔬菜中和下，一串汁燒茄子🍆，一串汁燒鮮冬菇，唔够，再黎個銀杏加日本番薯，已經好滿足，但仲可以再多啲，繼續食多個雞骨豬肉腸，最後食埋個燒飯團🍙，燒到脆卜卜，因為冇飲酒，所以叫佐碗魚湯，好鮮甜有魚味，非常滿足的一餐