影片
更多
2022-12-04
1116 浏览
嘩⋯⋯一直期待的晚餐到我啦～真係好開心，由於今次餐廳安排咗一個比較偏嘅位置，環境氣氛都好舒服，不過～影出嚟嘅相就比較偏黄啦，唔緊要～食飯除咗食物之外，氣氛都好重要嘛☺️頭盤～鵝肝撻，味道好濃郁，份量啱啱好三文魚夾餅，魚肉好新鮮咖哩迷你小包，好有印度風味，我好鐘意麵包～職員會拎不同嘅麵包比你揀，我哋就揀咗幾款，有軟身，又有法式偏硬的，亦有配上法國牛油，有鹽牛油，同無鹽牛油🧈第一道～澳洲和牛他他拌法國生蠔配特級魚子醬魚子醬牛肉他他，新鮮的魚子醬配上新鮮的牛牛真係好好食，一級牛肉無血水係基本原則，調味好之餘又不失牛肉的鮮味，擺盤精緻👍🏻第二道～法式鴨肝凍批伴時令鮮果鵝肝醬配梨啫喱嘩⋯⋯真係好好食，個鵝肝做得好細緻順滑，味道好厚實，質感較實淨，再配上梨啫喱，完全中和咗鵝肝的膩感，一口氣食哂全套都完全無問題，擺盤精緻利落。另外，有再配上一件麵包🥯係配鵝肝醬食的，可惜😅我覺得完全唔配襯～所以，無食到第三道～又凍又熱的特色洋蔥湯熱辣辣，凍冰冰嘅洋蔥🧅湯，真係好好味吖～佢係我飲過最好味嘅洋蔥湯😍好有洋蔥嘅甜味，好濃郁👍🏻成個湯好有層次感，上層有洋蔥打成的泡沫🫧凍冰冰的，配上芝士，加上餅乾🍪而外圍嘅湯係熱
頭盤～
鵝肝撻，味道好濃郁，份量啱啱好
三文魚夾餅，魚肉好新鮮
咖哩迷你小包，好有印度風味，我好鐘意
麵包～
職員會拎不同嘅麵包比你揀，我哋就揀咗幾款，有軟身，又有法式偏硬的，亦有配上法國牛油，有鹽牛油，同無鹽牛油🧈
第一道～澳洲和牛他他拌法國生蠔配特級魚子醬
魚子醬牛肉他他，新鮮的魚子醬配上新鮮的牛牛真係好好食，一級牛肉無血水係基本原則，調味好之餘又不失牛肉的鮮味，擺盤精緻👍🏻
第二道～法式鴨肝凍批伴時令鮮果
鵝肝醬配梨啫喱
嘩⋯⋯真係好好食，個鵝肝做得好細緻順滑，味道好厚實，質感較實淨，再配上梨啫喱，完全中和咗鵝肝的膩感，一口氣食哂全套都完全無問題，擺盤精緻利落。
另外，有再配上一件麵包🥯係配鵝肝醬食的，可惜😅我覺得完全唔配襯～所以，無食到
第三道～又凍又熱的特色洋蔥湯
熱辣辣，凍冰冰嘅洋蔥🧅湯，真係好好味吖～佢係我飲過最好味嘅洋蔥湯😍好有洋蔥嘅甜味，好濃郁👍🏻成個湯好有層次感，上層有洋蔥打成的泡沫🫧凍冰冰的，配上芝士，加上餅乾🍪而外圍嘅湯係熱辣辣的洋蔥湯，真係好得意，好有新鮮感😘
第四道～時令鮮魚伴茴香及龍蝦配香檳汁
好特別嘅醬汁，中間嘅龍蝦🦞汁好好食，係一個好似無負擔健康版嘅金莎朱古力口感咁，下層配上龍蝦濃汁煮成的慕絲，口感非常獨特有趣。
龍蝦鮮甜美味～熟度啱啱好，亦都好新鮮😌
成個菜式都好好食，唯獨～呢個紅菜頭我就真係唔識欣賞，紅菜頭嘅獨特味道配上香檳汁的獨特味道，真係好似唔數學題一樣，負負得正。
第五道～法國乳鴿伴婆羅門參配咖啡汁
好嫩滑的乳鴿，3成熟得嚟無血水，rest得好好，個醬汁好特別，加上好似朱古力味嘅牛蒡，配搭新鮮👍🏻
第六道～特選法國芝士
會有專人介紹，然後你再揀選自己喜歡的口味，有不同嘅牛奶，羊奶，亦都會比好多款低揀，可以配餅或麵包，呢度都值回票價啦👍🏻
🔅小貼士（麵包應該留返呢part食，前面唔會食得太飽）
第七道～香蕉巧克力伴榛子杏仁脆餅配可可雪葩
層次感一流，每一層都好似獨立個體咁，但夾埋一齊就好夾，每一口都回味無窮，其實，已經好飽好飽，但佢都一定會令你食哂佢☺️🤣
第八道～咖啡及精美甜點
咖啡☕️係正常，但要欣賞佢『低咖啡因』可揀，同埋，佢可以揀豆奶👏🏻
最後再加上6粒精美甜點🍮作結尾，完美😍
價錢：$2680(另收10%服務費)
好味程度：😋😋😋😋😋/5個滿分
價錢抵食度：💰💰💰💰/5個滿分
整體感覺：❤️❤️❤️❤️❤️/5個滿分
推介程度：👍🏻👍🏻👍🏻👍🏻👍🏻/5個滿分
——————————————————————
餐廳整體感覺：典型的星級法國餐廳，華麗高貴的裝修，經典的款式，一流的服務，星級的食物質數，間中對自己的獎勵，係應該的☺️
✏️
餐廳名稱：Caprice (米芝連3星）
電話：31968888
地址：中環金融街8號香港四季酒店6樓
#星級之旅#Caprice#米芝連3星#凍熱洋蔥湯#冰火洋蔥湯
#食物小黑洞
#我嘅正職係食盡全世界嘅餐廳，讓食物帶給你一些正能量
张贴
