水門雞飯 (萬勤商業大廈)

营业中

休息中

今日食飯再Encore 水門雞飯，今次去左尖沙咀 萬勤商業大廈分店，尖沙咀仲有另一間分別喺厚福街，一樣咁就腳。今次叫左 泰式乾炒辣牛河上枱好大份，仲勁有鑊氣，熱辣辣，河粉有咬口，夠乾身唔會太油食落河粉都唔會太散，加上蔥，芽菜等炒起更加香口。牛肉肉質都唔錯。而且有點菜嘅時候可以揀辣度，我唔太食得辣嗌左少辣覺得啱啱好，夠惹味，但又唔會太辣。馬拉盞肉醬芥蘭苗，叫左汁另上。份量都幾大份，而且全部用上芥蘭苗，超嫰，一d菜渣都冇。食落都處理得夠乾淨。而餐廳嘅 馬拉盞肉醬 真係好好食，肉碎夠，肉醬濃厚但唔會過油，惹味之餘唔會蓋過肉香。配飯定配菜都好好食！推薦~和牛串燒，肉質超軟嫰，牛肉味濃郁而不羶。 配上串燒醬汁味道更香濃。飲品叫左杯 泰式凍鴛鴦 少奶少冰。泰式凍鴛鴦 奶茶味比較重，不過飲落都有淡香咖啡香味，質地較厚身，微甜，唔想太甜都可以揀少奶，茶啡味就更重。