影片
更多
2017-02-18
2998 浏览
27-1-1027(Fri)年三十,女老闆TL請食團年飯,我o地book o左5圍,o野食亦一早order定,我o地去到坐低冇耐,人未齊都已經上菜,有:1. 淮陽巧手美點心中的滬式脆皮春卷造形係扁o既,餡料同我o地港式酒樓o既差唔多,佢仍脆,味道唔太鹹,OK.味道: 3分7. 鹹肉百葉時蔬雖然係鹹肉,但一啲都唔鹹,百葉切成一條條,冇乜口應,時蔬係娃娃菜,正常冇問題.味道:3 分2. 黃金大蝦球脆漿有蛋香味,蝦肉爽,唔太差.味道: 3.3分淮陽巧手美點心中的上海燒賣內裡o係飯粒,一夾即散,味道亦唔太鹹,飯粒濕潤.味道: 2.8分淮陽巧手美點心中的上海小籠包我冇蘸醋食,味道清淡.味道: 3分4. 原條松子大桂魚炸得脆,魚肉唔太多,酸甜汁調較適中.味道: 3.3分5. 紅燒冰糖原隻元蹄上枱時係起晒骨,炆得好腍,皮亦都入口即融,但味道就食得出好重醋味.味道: 3分3. 砂鍋雲吞雞侍應幫我o地分好一碗碗,我o地一飲,就飲到好重味精味,有冇攪錯?雲吞正常size,亦都唔鹹.味道: 1分6. 龍門脆皮雞顏色對辦,食落,同一件雞件,皮可以一邊腍一邊脆,咁高難度都做到,佩服.雞肉就正常嫩滑.味道: 2.
1. 淮陽巧手美點心中的滬式脆皮春卷
造形係扁o既,餡料同我o地港式酒樓o既差唔多,佢仍脆,味道唔太鹹,OK.
味道: 3分
7. 鹹肉百葉時蔬
雖然係鹹肉,但一啲都唔鹹,百葉切成一條條,冇乜口應,時蔬係娃娃菜,正常冇問題.
味道:3 分
2. 黃金大蝦球
脆漿有蛋香味,蝦肉爽,唔太差.
味道: 3.3分
淮陽巧手美點心中的上海燒賣
內裡o係飯粒,一夾即散,味道亦唔太鹹,飯粒濕潤.
味道: 2.8分
淮陽巧手美點心中的上海小籠包
我冇蘸醋食,味道清淡.
味道: 3分
4. 原條松子大桂魚
炸得脆,魚肉唔太多,酸甜汁調較適中.
味道: 3.3分
5. 紅燒冰糖原隻元蹄
上枱時係起晒骨,炆得好腍,皮亦都入口即融,但味道就食得出好重醋味.
味道: 3分
3. 砂鍋雲吞雞
侍應幫我o地分好一碗碗,我o地一飲,就飲到好重味精味,有冇攪錯?雲吞正常size,亦都唔鹹.
味道: 1分
6. 龍門脆皮雞
顏色對辦,食落,同一件雞件,皮可以一邊腍一邊脆,咁高難度都做到,佩服.雞肉就正常嫩滑.
味道: 2.8分
8. 上海排骨粗炒麵
大大碟,排骨竟然有苦味,粗麵口感有啲糊.
味道: 2分
9. 圓肉桂花糕
魚膠粉落得多,所以唔會用叉一拮就散,口感自然實少少,而味道就唔太甜,只係圓肉本身甜,不過冇乜桂花香味.
味道: 1.5分
10. 陳皮紅豆沙或紫心蕃薯露
我揀o左後者,
原來同我上次o黎食o既係一樣(o個個食評:https://www.openrice.com/zh/hongkong/review/%E8%A6%81%E7%94%A8%E5%BF%83%E5%AE%88%E9%BE%8D%E9%96%80-e2344157, 而且咁o岩,o岩o岩好3年),呢個有蕃薯味,唔甜,但口感似開粉漿.味道: 0.5分
服務:
好少主動斟水,成日要叫至斟.
開頭上菜好快,但到上甜品就慢o左.
衛生:
唔多理想,茶杯有一點點,碗有漬,要自己摔.:
環境:
俾o左間房我o地,我o地o個張枱一啲位有風,大部份冇風,幾熱,叫侍應開大啲,原先熱o個啲位只係感覺有少少風.
其他:
Menu 上淮陽巧手美點心打成准陽巧手美點心,好肉酸.
o黎食之前已經有晒心理準備,但冇諗過會更差.
张贴
