古今

营业中

休息中

好耐冇去銅鑼灣shopping，於是同老公先搵食後shopping。我哋搵咗銅鑼灣軒尼詩道525號澳門逸園中心21樓，一間有特色卷物食的日式餐廳-古今（Kokon ）食午餐。餐廳除了特色的卷物外，還有熟和生的定食，刺身，壽司，沙律，前菜小食，燒物等多款食物供選擇。餐廳裝修以日式木系列為主，感覺休閒舒適。首先來個日式章魚小丸子$48，一共有六粒，小丸子面頭鋪滿木魚和紫菜絲，一口咬落熱辣辣和內裏軟綿綿的小丸子，再加埋彈牙的章魚粒，是我食過最好食的章魚小丸子之一。跟住就係埼玉網燒牛舌$78，一碟有四件，外表看來冇乜特別，但係食落有驚喜，牛舌熱辣辣，軟嫩爽口，非常Juicy。最後一碟是金龍卷$105與蜘蛛$103放埋一齊，單看賣相已相當吸引，見到都流口水。金龍卷主要食材是三文魚，炸蝦和芝士，三文魚和炸蝦都很新鮮，炸蝦外脆，𧎚肉鮮嫩彈牙。蜘蛛是用紫菜包住非常酥脆的炸軟殼蟹，青瓜，牛油果和蟹柳，食落有層次感，口感非常豐富。兩者都各有特色，令人回味無窮。