豊勝手丼 (已結業)

週日朝早做完運動，有點肚餓，到了登龍街嘅豊勝手丼食lunch。門面已經充滿日式氣氛，裡面的布置更加好似去咗日本。午市套餐選擇好豐富，我選擇了慢煮安格斯牛小排丼飯，配前菜，沙律同味噌湯。牛小排上桌賣相超靚，望落帶點粉紅色，食落充滿牛肉香味，而且肉質嫩滑，品質好上乘。上面仲有一隻糖心蛋，日本米飯配蔥花及炸蒜非常香口。，另外仲點了一客廚師發板嘅八件壽司，上面有玉子燒，帶子壽司，左口魚，三文魚， 油甘魚，海膽及帶子等，非常新鮮，值得推介。