成間鋪都充滿情懷，仲有點心車同搭台，次次食都覺得返左細個咁。
次次都食燒賣，算細細粒咁，有少少肉粒同蝦粒，幾好咬口，同埋好香菇味。
雪白蝦餃，有啲荀絲咁，普普通通。
牛肉球就好彈口，而且好香茜味，牛肉味少左啲。
1
鳳爪好好食，啲汁個味好濃，而且全部鳳爪，無花生，好抵食。
啲排骨真係好多骨，咁先好，有骨嘅位肉味最香。下面啲芋頭好多次都好粉，好好食。
1
雞札，入面舊魚肚好好，好彈口，好入味，超好食。
1
鮮竹卷，普普通通。
牛腸，係幾種腸最抵食，因為入面好多牛肉。至於個皮唔算好滑，但都正常嘅，架車焗住。
炒粉面炒飯係半賣份量，兩個人以上先好叫，如果唔係食唔晒。其實好抵食咖，附近啲茶仔好細碟都幾十蚊啦。
不過酒樓有時都會失手嘅。
