倫敦大酒樓

喺旺角做開嘢，到咗食飯時間，諗唔到食乜，見到倫敦大酒樓嘅招牌，好懷舊，又好耐未去過，應該唔難搵，位於是過去試吓啦，點知去到嘅時候一坐低，連續幾個侍應走過嚟，同我哋講而家出點心啦，快啲去搶啦，唔係一陣就冇㗎啦，一頭霧水之下，唯有沖埋去幾架點心車仔度，搶到啲乜嘢就啲乜嘢，結果返嚟之後，再問清楚，先知道原來雖然話係推點心車，不過啲點心基本上係廚房一行出嚟，大家都係俾啲侍應係咁催埋去搶，其實係咪之後冇呢？都唔係，仲會繼續有出點心，問啲侍應，佢哋就話係呀會繼續出呀，不過賣完就冇啦，咁間間酒樓都係咁啦，有咩特別要催我哋去搶啦！咁樣嘅態度係令我好失望，因為一上到去，以為推點心車，得幾懷舊喎，可以慢慢選擇吓，點知原來係不斷咁樣俾人催去搶嘢，單單係呢樣，已經令到成個食飯嘅情緒氣氛都冇晒，然後再坐低食嘅時候，啲點心已經凍咗，所以更加覺得水準唔好。價錢唔算貴，但係一餐飯都係想坐得舒服啲，食少少嘢，開心啲傾吓偈，氣氛冇晒，食物又凍晒，本身質素應該亦都唔會係特別好，就令到成餐飯都輸晒啦，唔知點解，佢嘅侍應全部都係男仔，仲係着埋同一款制服，同香港嗰啲唔同，後來聽講應該係輸入勞工，不嬲都係姐姐招呼，而家變晒全部男仔，雖然冇所謂，但係都係個感覺有啲不習慣。不過總體而言，酒樓最緊要係食點心水準，呢間倫敦大酒樓，就真係唔得啦，環境就普普通通，唔覺得特別乾淨，亦都唔覺得特別污糟，不過呢種咁樣嘅招呼方式，搶點心方式，就已經係令到成件事都令人失望，所以唔會再去，亦都唔會建議比人哋去。…查看更多

倫敦大酒樓月餅標榜全人手制作，今年買了五張月餅券，用來自家吃用和送禮，可惜質量出品强差人意！先説包裝，老套但可以説傳统，但月餅没有餐刀供应，麻烦各位用手😅月餅味道太乾，没口感，味道太淡，比平日酒樓點心蓮蓉包還差，但售價要250蚊一盒完全名不符實👎提早購買月餅券，馬上換領，滿懷驚喜卻换來失望！標榜全人手制作，也許只是接受傳媒訪問的時候吧！…查看更多

媽咪話好耐冇去過老字號嘅酒樓飲茶 所以今日一於帶佢嚟試吓旺角嘅倫敦大酒樓 呢間倫敦酒樓原來好大間 有345樓 一入到去就見到有好多姐姐喺度推緊車仔今次嚟到呢間茶樓，真係食到過癮！魚翅餃皮薄餡多 口感滑溜 點喼汁好好味再黎過個王牌嘅椰皇燉燕窩 清新可口 仲帶有椰子的香氣 非常開胃😋叉燒包外皮松軟 內裡叉燒汁多 甜中帶鹹至於煎堆 大大隻 外脆內軟 香甜可口 搭配茶飲更添風味北菇滑雞飯 啲雞肉好嫩滑 飯粒分明西米布甸好有懷舊嘅味道 作為甜品收尾一流仲見到有懷舊遮仔嘅啫喱 不過實在太飽 食唔落…查看更多

今日專程嚟呢間老字號，一餐食盡半世紀港式經典，每道菜都係活歷史！ 🕊️ **乳鴿配米線** 鎮店之寶！乳鴿用陳皮滷水浸足8個鐘，皮脆肉嫩到連骨都有味。米線吸盡鴿汁精華，阿婆話係60年代歌賦街原版做法。 ☂️ **懷舊傘仔啫哩** 童年回憶返晒嚟！七彩啫哩插住紙傘，仲有罐頭雜果底，甜度比現代版克制，阿媽即刻講返細個去茶樓嘅故事。 🍤 **錦鹵雲吞** 正宗港式「甜酸餃」！雲吞炸到金黃燈籠狀，蘸秘製甜酸汁（仲有豬肝、魷魚等配料），脆卜卜嘅口感而家好難搵。 呢餐食嘅唔止係味道，更係香港飲食文化縮影。老師傅仲堅持用傳統焗爐做乳鴿，侍應阿姐會主動教你正宗食法，呢份人情味絕對值回票價！ …查看更多

對上一次我是中七暑假第一份文職，中午去飲茶點心好味，質素高，又大件唔見有牛肉角，魚翅餃以前阿媽唔會叫遮仔啫喱生菜三寶加豉油，現在無酒樓有賣舊酒樓裝修，同已拆了長沙灣京都一樣…查看更多

呢次去旺角倫敦大茶樓，真係令人失望。啲菜擺盤亂七八糟，一大堆枱面都食剩晒，睇落去冇胃口。啲炒飯啖啖都太乾同埋冇乜料，入面嗰啲肉硬淨淨，好難咬。青菜炒得太淋，凍冰冰冇味，睇落都冇新鮮感。主菜同燒味都唔香，脆皮燒腩根本唔脆，三拼肉又乾又冇咩味，咬咗一啖就唔想再食。果盤啲水果切得好求其，一啲都唔甜。啲茶壺同碗碟成枱亂晒龍，加上啲碗碟有啲殘渣未抹乾淨，好核突。飲品同埋調味醬油都掛埋枱，冇悉心整理感。成枱菜色睇落又雜又平，根本唔值呢個價錢。成間茶樓，啲食物同環境都冇用心做，下次唔會再嚟。…查看更多

新聞報導今年母親節和父親節的港人出外用餐慶祝節日的日子，傳統酒樓入座率都少過6成。我們擔心又一間「名都酒樓」事件重演，於是在一位家人農曆生日的一天決定來這裡慶祝一下。倫敦大酒樓位於旺角的旺角，交通方便，家人從港島、屯門、深水埗和大埔出來都十分方便。我們一共10個人，其中一個吃素菜，也提前寫了酒樓最實惠的12人晚餐。人到齊後再加四個齋菜，所以份量是十分足夠。昨晚的出品我們都覺得十分滿意。頭盤是鴻運金豬拼盤和上湯焗龍蝦伊麵，都不比星級餐廳差；碧綠炒龍躉球更讓大家吃的津津有味；水晶貴妃雞又是讓Chicken Lover不枉此行。至于另外加的四個齋菜，味道和口感也能讓人回味無窮。本酒樓雖然開業已過45個年頭，也保持舊式的裝修和傳統的管理模式，但廚房的出品一點都不讓人覺得過時之外，樓面的服務反過來比很多新派的餐廳和酒家更熱情和對客人有積極反應，因此我還是要多說幾句來鼓勵一下他們。…查看更多

今晚喺旺角食咗呢間酒樓，試咗幾款懷舊菜，味道唔錯，性價比高。呢個傳統嘅錦鹵雲吞印象中喺香港真係冇乜地方可以食得到，出面食到嘅感冒雲吞都係普通炸雲吞然後淋過酸汁落去，而真正傳統錦鹵雲吞嘅汁就應該好似呢個咁樣，個酸甜汁入面應該有青椒菠蘿仲有一啲珍肝魷魚蕃茄。粟米魚肚羹味道唔錯，入面好多魚肚，都幾足料。蝦醬魷魚炒通菜幾惹味，不過呢碟嘅碟頭就細咗少少。蝦子柚皮又係好耐冇食過嘅懷舊菜。栗子齋菜煲材料都幾豐富幾新鮮。…查看更多

自從媽咪行路不方便，我又要喺屋企養病之後，好耐冇出過旺角飲早茶，琴日同媽咪去咗做眼部手術，所以今日一朝早又要去覆診，因為好快睇完所以去咗對面飲茶。#倫敦大酒樓 喺旺角都可以叫話歷史悠久，都好多年冇上過去飲茶喇，見到仲係推住點心車，仲有嗰個煎炸檔口睇見都開心。我小時後每日都係同媽咪一齊飲茶，所以我好好鍾意飲茶，尤其是可以出去攞點心特別過癮，不過而家好多酒樓都係用點心紙，所以我覺得冇咗飲茶嘅 feel ～難得今日細佬都喺度，我哋兩個好似失控小朋友甘，見到乜嘢都好想叫，之後諗都唔諗就叫曬以前必定食嘅嘢，芋角芋頭糕，煎腸粉，魚翅餃豆苗餃，豉汁蒸魚雲（媽咪啲朋友話好食），黑椒金錢肚，柴魚花生粥（我平時唔食粥嘅，但唔知點解覺得酒樓嗰啲好好食），蝦膠丸，豬腳薑醋（我媽話超正條友差不多自己食曬成碗），最後就叫咗個椰皇燉鮮奶（我見嗰個出去搶，幾乎每一台都叫）今日好開心大滿足呀，好耐冇試過食得咁開心啦，有機會都要帶老公去食一次～#倫敦大酒樓 #懷舊點心車…查看更多

細個係住港島區，所以好少過九龍，大個之後先識旺角哩間倫敦大酒樓。潮流興懷舊，最近好多人提及倫敦酒樓仲有推車仔賣點心，咁就嚟試吓啦！雖然地方都寬敞，但佢哋啲車仔都唔係推嚟推去，只係泊兩架喺度，等啲人自己埋去攞！咁唯一俾到我有啲懷舊感覺嘅，就係啲人自己捧住啲點心埋自己張枱囉！記得細個見啲大人都係走出去睇吓有咩點心，因為驚住啲車仔俾人攔截哂！😅點心方面，腸粉好食，粉質地係以前嗰種滑、薄得嚟唔易爛，但又唔係依家有啲煙韌到唔似腸粉皮！蝦餃有筍！👍🏻依家啲蝦餃只係大隻多蝦！其實好食嘅蝦餃唔需要大隻，啱啱好一啖就好，而且要有筍囉！燒賣就同蝦餃飲茶係一定要有嘅，但佢嘅燒賣就麻麻，我唔係要有蝦，但一定要有冬菇，否則就只係一嚿豬肉囉！佢嘅薄罉都唔得，厚身麵粉，少韮菜，用火腿！🙄無香味！記得細個食嗰啲，係有糯米粉+粘米粉、蝦米、韮菜、菜甫，煎得薄薄，邊有啲燶脆，中間軟糯。整體不過不失啦！…查看更多

下午1點半入到嚟，無人問津，見到無人坐就自己行埋去搭枱，開茶啲啊姐都唔想so你。2點開始無點心，剩係得蘿蔔/芋頭糕、奶皇包、金錢肚、牛柏葉。難得有五籠雞扎，又唔夠啲叔叔阿婆搶，眨下眼乜都無。點知諗住叫蘿蔔糕，阿姐煎得勁慢，又多人等。飲完壺茶，跟住叫阿姐幫手加水，又黑晒面叫我搵另一個職員加，不如你俾返+1服務費我，我自己加仲好呢鋪真係食包食飽，下次都係落樓下麵包舖買包算。真係可一不可再想練身法鬥搶嘢嘅可以一試…查看更多

倫敦大酒樓其實成日都經過，但每次都無上去食，今日咁岩約左朋友係附近，就決定去試下，發現真係重回兒時飲茶的回憶。呢度同平時酒樓好唔同，呢度要自由搵位，都幾特別的體驗，但服務其實好好的，大家可以放心。點心亦都可以去出面點，煎腸粉係即煎，夠蝦米又煎得香，雞扎大大件，算幾抵食。蝦餃都做到晶瑩飽滿，牛肉球正常發揮。另外會有推點心車的姐姐，好有懷舊特色。另外推介椰皇，我見枱枱都有叫，椰子味勁香，蛋白都幾滑，必試!…查看更多

一間非常有歷史的懷舊酒樓，酒樓有兩層，3/F係懷舊之最，沒有人帶位，可能要搭枱，位子超級多但需要自己找。而4/F係領號碼籌，有人管理枱號。早上來到飲早茶，酒樓裡已經高朋滿座，幸運地很快就有吉位。現場大部份顧客都是上了年紀的老人家，很多老人家喝著茶聊聊天看報紙，令我回想起兒時同父母去的地方，一個好有香港人回憶的地方。酒樓面積頗大，眼見懷舊裝潢，看得出有一定年紀，東西都舊舊的。還有傳統手推車和煎點心製作檔口，食物大部分要去自己選，選了之後服務員會在你的單子上畫單。酒樓還保留原本的佈置，有龍鳳雕刻背板用來擺喜宴用的大禮堂。小雨傘啫喱是香港人的童年回憶小食，食物正常發揮，價格不算平，勝在懷舊。椰皇燉鮮奶幾乎每桌都有點，奶味濃郁椰味清香，味道還不錯，呢個是必點的甜品。其他的還好沒有特別驚艷，路過想吃道地港式點心可以來試試。總結：點心水準非常一般，好彩還算夠熱，服務一般，如未來過的話可以來這裡喝喝茶嘗試一下這裡的氣氛。…查看更多

約了好友，除夕＜倫敦＞飯聚，係指旺角彌敦道的＜倫敦＞，作為2024年最後的晚餐。 點左几個菜，有素有葷，為了健康 ，晚餐少一點肉類也無礙。燒味拼盤  雞鴨叉，味道正常。北菇紅燒豆腐   軟綿綿，容易咬。錦鹵雲吞    有豬膶，叉燒，魷魚，蝦，青椒，蕃茄，洋蔥。首次遇到配料豐富的錦鹵雲吞。五柳甜酸汁酸度不突兀，沒有蓋過雲吞皮的原味。捏碎雲吞皮，變做碎片，沾上五柳甜酸汁，絕配。五香脆素鵝   香脆外皮，內裡腐竹軟滑。檸蜜焗肉排  豬肋骨，肉質上已經無得輸，再配上酸甜又帶鹹的檸蜜汁，很惹味。瑶柱蛋白炒蝦仁  份量足。炒蛋撈炸雲吞的甜酸汁，又似蕃茄炒蛋。上湯粟子豆苗煲  乾燒伊麵    皆為全素，走葱韮蒜。六位點了八款食物，真係好飽。…查看更多

3樓收銀台服務人員態度非常惡劣，問問題直接不回答，問了2遍都不理人，甚至搖頭擺手讓你走。沒有一丁點禮貌可講，更別說服務態度。不知道這麼大間餐廳，怎麼會有這樣毫無素質可言的服務員，員工都沒有基本素質培訓的嗎？…查看更多