影片
更多
2023-12-09
115 浏览
陳家廚房 (灣仔)12月除左係媽咪既生日🎂，仲係慶祝聖誕節🎄既月份🥰 週末book左銅鑼灣利景酒店既陳家廚房聖誕節下午茶❤️，同媽咪率先嘆聖誕餐😆🌲記得至少提早1日book 下午茶，讓餐廳預早準備食材～ 🌲另外星期五、六、日仲有2杯意大利汽酒🥂送，增添節日氣氛🍾🌲$438/2位性價比好高喔😍 層架用左聖誕裝飾品同埋小燈泡💡佈置，甜點同鹹點好高質睇得又食得😆值得一讚係傳統英式鬆餅，唔係凍冰冰而係暖笠笠，而其中朱古力🍫口味係用左黑朱古力，啖啖粒粒半融黑朱古力粒，再蘸少少酸酸甜甜既果醬，好夾😍平時鹹點都係三文治🥪，但呢個set係有中式點心同菜式，有蒸燒賣、蝦餃，仲有椒鹽一口鮑魚，中西合璧😋而甜點賣相充滿聖誕元素，例如泡芙係聖誕樹🎄造型，唔好以為係抹茶口味，而係開心果口味😍仲有開心果碎真材實料💚 而tiramisu 除左加左薑餅人造型朱古力片，mascarpone cheese加左薑味，好特別喔～仲有德國聖誕果子蛋糕配自家製車厘子果醬，果醬係食到啖啖車厘子🍒果肉，配果子蛋糕好match~而飲品有唔同口味既茶同埋咖啡☕️可以揀～ 今次揀左伯爵茶同埋latte～地址：灣仔灣仔道209-210號銅鑼灣利
12月除左係媽咪既生日🎂，仲係慶祝聖誕節🎄既月份🥰 週末book左銅鑼灣利景酒店既陳家廚房聖誕節下午茶❤️，同媽咪率先嘆聖誕餐😆
🌲記得至少提早1日book 下午茶，讓餐廳預早準備食材～
🌲另外星期五、六、日仲有2杯意大利汽酒🥂送，增添節日氣氛🍾
🌲$438/2位性價比好高喔😍 層架用左聖誕裝飾品同埋小燈泡💡佈置，甜點同鹹點好高質睇得又食得😆
值得一讚係傳統英式鬆餅，唔係凍冰冰而係暖笠笠，而其中朱古力🍫口味係用左黑朱古力，啖啖粒粒半融黑朱古力粒，再蘸少少酸酸甜甜既果醬，好夾😍
平時鹹點都係三文治🥪，但呢個set係有中式點心同菜式，有蒸燒賣、蝦餃，仲有椒鹽一口鮑魚，中西合璧😋
而甜點賣相充滿聖誕元素，例如泡芙係聖誕樹🎄造型，唔好以為係抹茶口味，而係開心果口味😍仲有開心果碎真材實料💚
而tiramisu 除左加左薑餅人造型朱古力片，mascarpone cheese加左薑味，好特別喔～
仲有德國聖誕果子蛋糕配自家製車厘子果醬，果醬係食到啖啖車厘子🍒果肉，配果子蛋糕好match~
而飲品有唔同口味既茶同埋咖啡☕️可以揀～ 今次揀左伯爵茶同埋latte～
地址：灣仔灣仔道209-210號銅鑼灣利景酒店地庫1樓
张贴
