黑門水產すいさん (棉登徑)

今日同朋友去咗尖沙咀棉登徑食晏晝飯，約咗去食心心念念嘅日本菜餐廳設計裝修充滿日式情懷，好似真係飛咗一轉日本咁😌餐廳有提供午市套餐嘅餐牌，價錢實惠，百零二百蚊就可以食到一個日式定食😇✨日本安格斯牛肉定食✨我哋叫咗一個日本安格斯牛肉定食，用咗壽喜燒作為湯底，甜甜哋嘅湯汁配上軟腍腍、充滿油脂嘅牛肉、溫泉蛋、野菜、金菇等配料，好滿足😆✨大阪木津海鮮丼✨另外都叫咗一個大阪木津海鮮丼，魚生都好新鮮，份量都唔少，有齊赤身、帶子、三文魚、螢光魷魚等，加上醋飯底，滿足晒鍾意食刺身嘅朋友😬值得一提嘅係，每一個餐都有跟上前菜、沙律、茶碗蒸同麵豉湯，最欣賞嘅係茶碗蒸，蛋蒸得好嫩滑，配上三文魚籽同冬菇，口感更上一層樓😆✨海膽蟹味噌甲羅燒✨餐廳嘅招牌菜，一向都唔係好鍾意食蟹膏嘅我都俾佢驚艷到，鵪鶉蛋撈埋海膽、飛魚子、蟹膏蟹肉等，鮮味十足，仲要一啲都唔腥，配上梳打餅，簡直絕配😬，✨燒白蛤✨最後我哋都叫咗一碟燒蜆，全部都好滑溜，一啲沙都冇😆總括而言，值得回頭嘅一間日本菜🫶