魚一壽司 (教育路)

营业中

休息中

食午市叫咗兩個午餐，一個滑蛋吉列豬扒飯，一個天婦羅配烏冬，兩人坐一張四人枱，首先每枱都有一壺保溫熱茶，但啲茶係常溫唔係熱既，上菜比較慢，上菜時食物永遠係擺係隔離張枱，而唔係擺係自己坐緊張枱既面前，要自己棒返去自己面前，第一次上菜嚟咗碗面豉湯，一少碟沙律菜，面豉湯係微暖唔係熱既，面豉湯裡面加咗啲三文魚肉有啲腥。第二次上菜嚟咗碗飯同碟天婦羅都係就咁放隔離枱，隔咗5分鐘，碗烏冬都仲未嚟，就同侍應講仲有碗烏冬同罐可樂未嚟，侍應話整緊，再隔3分鐘碗烏冬終於嚟到，一碗烏冬足足等8分鐘，碟天婦羅都凍哂亦有啲淋，最離奇係碗烏冬啱啱整好，但啲湯唔係熱既只係暖，天婦羅既炸蝦食落有陣好似類似鬆肉粉嗱過既味，唔識形容果陣係咩味。。。三個侍應其中兩個態度差，由其果個半邊手紋哂身個位妹妹仔，另一個全頭紫色長髮既妹妹仔態度好好多，對每枱客都保持微笑亦逗另一枱客人既bb玩，補充返，果時客人唔多，計埋自己枱都係4枱客7個人