影片
更多
2013-09-18
2093 浏览
呢日係我同男友仔既 6 週年, 起初男友仔神神秘秘咁話帶我去食好野~因為佢話目的地係尖沙咀, 所以我地就先響尖沙咀行下街街嚕~男友仔一早就已經book咗位, 所以行到差唔多時間就向目標進發啦!!我當然都無追問, 就咁跟住佢行行行....因為男友仔自己都未去過, 所以搵咗一陣子... 終於到步啦!!Wu~ 成間餐廳都係以"木"為主, 裝飾佈置都係木... 木櫃、木枱、木地板…etc.好舒適既感覺, 侍應談吐溫文有禮, 聲線柔和, 讚!!!我地坐既位置, 係窗邊既卡位, 一排排既木製百葉簾, 隱約望到街外既景色, 好靚~坐位亦相當舒適!!等我地都坐好之後, 侍應先不慌不忙, 好有禮貌咁遞上 menu, 然後再講今日既推介~聽完之後, 我地就開始研究個 menu………因為我同男友仔都唔係大食怪, 所以打算 share 食, 最後我地決定咗: 1 個 set dinner + 1 個小食!落完 order 之後, 就開始觀賞一下周圍既環境、氣氛.....etc.呢度的確係傾計既好地方, 坐得舒服之餘, 氣氛燈光甚至乎溫度都好舒適, 客人都係香港人、外國人!! 唔會有人大聲喧嘩, 每位客人都好有
因為佢話目的地係尖沙咀, 所以我地就先響尖沙咀行下街街嚕~
男友仔一早就已經book咗位, 所以行到差唔多時間就向目標進發啦!!
我當然都無追問, 就咁跟住佢行行行....
因為男友仔自己都未去過, 所以搵咗一陣子... 終於到步啦!!
Wu~ 成間餐廳都係以"木"為主, 裝飾佈置都係木... 木櫃、木枱、木地板…etc.
好舒適既感覺, 侍應談吐溫文有禮, 聲線柔和, 讚!!!
我地坐既位置, 係窗邊既卡位, 一排排既木製百葉簾, 隱約望到街外既景色, 好靚~
坐位亦相當舒適!!
等我地都坐好之後, 侍應先不慌不忙, 好有禮貌咁遞上 menu, 然後再講今日既推介~
聽完之後, 我地就開始研究個 menu………
因為我同男友仔都唔係大食怪, 所以打算 share 食, 最後我地決定咗: 1 個 set dinner + 1 個小食!
落完 order 之後, 就開始觀賞一下周圍既環境、氣氛.....etc.
呢度的確係傾計既好地方, 坐得舒服之餘, 氣氛燈光甚至乎溫度都好舒適, 客人都係香港人、外國人!! 唔會有人大聲喧嘩, 每位客人都好有禮自律, 心情真係好放鬆, 好 relax~
枱面既油燈好靚, 好鍾意!!
侍應先上咗跟餐既一杯有氣香檳: Aperitif (冰冰凍, 好甜好甜~)男友仔仲叫咗一杯Red wine: GLS Pinot Noir AF GROS (醇, 香, 好味~)
另外, 一條脆脆既麵包 & 牛油, 就響我地研究緊 menu 果時, 靜悄悄爬咗上枱....
所以, 一邊傾計, 一邊食麵包, 不知不覺就有美食上枱啦~第一道係餐湯: 龍蝦濃湯!! (Lobster Bisque)
淨係睇個質地就已經知道好濃, 一入口... 哇!!! 超濃郁既龍蝦味, 而且超多龍蝦肉響湯入面, 每一啖都充滿龍蝦肉, 蝦肉新鮮又彈牙!!! 唯一要彈既... 應該係湯既質地唔夠滑~第二道菜係小食: 藍蟹肉餅!! (Blue Crab Cakes)
個碟超級熱, 所以個蟹肉餅上枱果時周邊都仲係吱吱聲起泡泡, 好似響個碟度煎緊咁樣!!!成個餅, 基本上都係蟹肉, 每一啖都係滿滿既蟹肉, 香濃既蟹味, 仲有牛油既香味, 夾雜住甘筍碎同香草, 完全唔會覺得油膩!!! 唯一要彈既... 應該係味道比較濃, 食多幾啖之後, 就會覺得比較咸咗少少~
第三道菜係主食; 12安士紐約牛扒 (New York Strip 12oz)
我個一般都係揀3成熟, 不過因為男友仔怕流血, 所以揀咗5成熟~哇!! 佢每隻碟都係超級熱, 因為又係吱吱聲咁響個碟上面煎住黎... 整整一大塊12oz黎到面前, 再幫我地1分為2, 放上另外2隻熱到爆既碟上面繼續吱吱聲煎!!! 哈哈, 佢切開既一半, 啱啱好係一個心形耶, 好攪笑~
切開咗, 就睇到牛扒既熟度, 的確就係5成熟!! 厚度大約係一節手指頭!!! 因為碟上面預先放咗小量既牛油, 所以好香牛油味, 牛扒肉嫩有咬口, 牛味香不過唔算濃!! 雖然分咗一半, 但係都超級大塊~
第四道菜係菜蔬: 牛排薯條 (Steak Fries)
原來係炸到脆卜卜既連皮既大薯, 好粗既薯條呢, 哈哈~粗薯條上面, 放咗充滿海鹽既蒜頭同長條蕃茄, 如果淨食蒜頭or蕃茄一定咸到甩肺, 不過用黎伴住粗薯條食就一流, 因為粗薯條無做調味~ 炸得超級香脆, 但係碟上面一滴油都無, 絕對唔油膩!!!
第五道菜係甜品: 芝士蛋糕 (Cheesecake)
本身跟餐既甜品係雪糕/雪巴, 所以呢個cake係套餐加錢($35)轉既~
好好笑, 其實坐低無耐, 我就留意到呢間餐廳有個位放咗一大盤甜品響度, 有cheesecake, 有朱古力cake, 有焦糖燉蛋…等等~ 原來, 就係呢個時候上埸!!! 當你食完你既美食之後, 侍應就會抬果堆甜品過黎, 睇下你有無興趣轉or order, 當然唔係就咁比果碟你啦, 因為原來果盤甜品只係demo黎咋, 哈哈哈~!!!
揀好之後, 絕對唔會好快上, 我估應該係即叫即整既, 所以有足夠時間比你休息下, 消化下......
蛋糕一黎到, 我同男友仔都... 呆咗!! 因為, 原來cheesecake唔係一件, 而係...... 一整個!!!!!
另外, 同一時間仲黎咗個細細既cheesecake!!? 噢~ So surprised!!! 原來係男仔仔訂枱果時講咗係週年紀念, 所以餐廳送既一個小小甜品, 碟上面仲用朱古力寫咗: Happy Anniversary~!!!
OMG, 即係....... 我地要食一大一細既cheesecake呢, 早知既話, 轉果個甜品就要朱古力cake啦, 哇哈哈哈~大 Cheesecake 味道都係香, 滑, 濃, 周邊同底都係牛油消化餅, 鬆脆可口, 雖然已經好飽, 但係仍然愈食愈想食!!! 細 Cheesecake 味道同大既差唔多, 另外仲有一小杯吉士, 上面有少量既士多啤梨同藍梅, 可以清走膩感, 繼續食, 哇哈哈哈~
當然, 我唔會浪費男友仔既心思既, 所以, 我全清!!!!! 只係最後..... 就係飽到痴咗!!!
最後, 餐飲我實在飲唔到, 呢個重任唯有交比男友仔解決, 佢就叫咗杯: 凍檸茶 (Cold Lemon Tea)
消消滯嚕!!
呢餐真係好難忘既晚餐, 情調氣氛, 舒適, 貼心, 溫馨, 放鬆......
無論招呼, 食物, 整體感覺都係超級既好, 絕對推介!!!
题外话/补充资料：
服務係超級貼心, 落 order 之後, 問咗我地係唔係 share 食, 之後既所有美食都幫我地 1 分為 2, 仲要係成份黎到面前先幫你分.... So NICE!!!!
而且, 認真關心住客人既進餐速度, 但完全唔會有被監視既感覺, 好舒適!!! 每食完一道菜之後, 再過幾分鐘之後先上第二道菜, 所以進餐既速度絕對係客人自己話事, 完全唔會有食得好趕既感覺, 慢慢食....慢慢嘆.... So GREAT!!!!
侍應響每一道菜上枱既時候, 都會簡短介紹, 仲會有溫馨提示, 比如: 小心個碟好熱...等等... So WARM!!!!
(以上食记乃用户个人意见 , 并不代表OpenRice之观点。)
张贴
