影片
更多
2021-11-23
47 浏览
以為越南嘢只係有生牛肉湯河啊、撈矇粉啊、越南春卷so boring🤭呢間新式嘅越南餐廳令我重新認識越南菜！首先一開𨋢門見到嘅霓虹光管裝飾，wo好靚非常適合鍾意打卡嘅我♥️成間嘢嘅裝修都係走新潮嘅路線👍🏻嘢食方面佢係有lunch set同埋À la carte menu架！原來佢星期一至五嘅下晝係唔洗加10%架👍🏻咁我哋梗係散叫啦，一黎因為佢同一個Menu夜晚係要加10%☺️二黎可以食下唔同嘅嘢唔使淨係食碗粉咁飽！SHAKESHAKE 雞軟骨 $52呢個雞軟骨配有辣椒粉，自己就住自己食辣嘅程度加入去袋入邊一齊shake💪🏻，我就一野倒晒成兜落去🤣我朋友就覺得好辣，但係我就覺得好正，雞軟骨炸到好脆，辣椒粉好惹味加埋青檸汁。會好想一粒接一粒，食唔停！扎肉沙律 $48沙律裏面有紅蘿蔔椰菜芽菜等等仲有越南嘅扎肉。個汁應該有少少花生醬，酸酸地咁好開胃。招牌金邊粉 $88（牛肉、牛面珠、牛筋、牛尾、牛肉丸）依碗成碗都係以牛為主，牛筋同埋牛尾好軟熟而且非常入味😋個湯係非常濃味！仲有嗰條油炸鬼朔晒啲湯好好味。烤蔞葉春雞 配青蘋果條 $88個烤春雞應該有半隻，雞髀部份好滑同埋juicy唔會乾。就算係雞胸嘅部份
首先一開𨋢門見到嘅霓虹光管裝飾，wo好靚非常適合鍾意打卡嘅我♥️成間嘢嘅裝修都係走新潮嘅路線👍🏻
嘢食方面佢係有lunch set同埋À la carte menu架！原來佢星期一至五嘅下晝係唔洗加10%架👍🏻咁我哋梗係散叫啦，一黎因為佢同一個Menu夜晚係要加10%☺️二黎可以食下唔同嘅嘢唔使淨係食碗粉咁飽！
SHAKESHAKE 雞軟骨 $52
呢個雞軟骨配有辣椒粉，自己就住自己食辣嘅程度加入去袋入邊一齊shake💪🏻，我就一野倒晒成兜落去🤣我朋友就覺得好辣，但係我就覺得好正，雞軟骨炸到好脆，辣椒粉好惹味加埋青檸汁。會好想一粒接一粒，食唔停！
扎肉沙律 $48
沙律裏面有紅蘿蔔椰菜芽菜等等仲有越南嘅扎肉。個汁應該有少少花生醬，酸酸地咁好開胃。
招牌金邊粉 $88
（牛肉、牛面珠、牛筋、牛尾、牛肉丸）
依碗成碗都係以牛為主，牛筋同埋牛尾好軟熟而且非常入味😋個湯係非常濃味！
仲有嗰條油炸鬼朔晒啲湯好好味。
烤蔞葉春雞 配青蘋果條 $88
個烤春雞應該有半隻，雞髀部份好滑同埋juicy唔會乾。就算係雞胸嘅部份都唔會太鞋👏🏻👏🏻呢碟嘢我最欣賞係嗰啲青蘋果條，
因為當你食完燒雞，你點都會覺得有啲油膩嘅感覺，就係嗰幾條青蘋果條♥️酸酸甜甜清返個油膩嘅感覺👍🏻👍🏻做得好好呀！
香茅青蘋果茶(冷）$23
呢個出奇地好飲，本身麻麻哋香茅，但係佢有青蘋果🍏好清新好解渴。大大杯抵飲。
Tears of mermaid $68
人魚嘅眼淚💧個名幾好聽，係一杯好適合打卡嘅飲品♥️泡泡一點化開成煙🌫好靚！
係荔枝味架，酒味唔會太濃好易入口！岩晒唔飲得既女仔飲🎀
张贴
