麵檔

营业中

休息中

今日行過銅鑼灣，好想食啲平靚正嘅早午餐。經過鋪頭，首先被Beyond 歌曲吸引，係我小時候嘅偶像, 大大部黑膠機係門口，好多水牌、明星海報，感覺到店主想回到過去嘅情懷，好欣賞。一入到去，裝潢充滿 70年代 小販檔嘅感覺。poster , 菜名寫係牆上，好有心思。講返重點，我食左車仔麵，$46 / 3餸 大大個碗好full 好滿足。好多餸菜 係用左 某某鋪嘅招牌，我揀左 有記 魚肉春卷、招牌鮑汁雞腳、魚皮餃 菜底 配 秘製 沙嗲醬。碗大大，餸有 2條春卷，3粒魚皮餃同2隻雞腳。 春卷肉好札實，充料、啖啖肉、果然名不虛傳。👍👍雞腳 醃到啲甜甜嘅鮑汁 滲晒入去，一路啜食，一路覺得好唔夠食，想再叫單點㗎👍👍最後係，魚皮餃，我覺得啲皮唔厚，肉味正常，屬於我中意嘅味道，沒有失望。最後我先食菜，吸晒啲湯汁，好好食。因為我好少食晒啲野，有晒汁加啲菜，好想再食多次。