影片
营业时间
今日营业
11:30 - 20:30
星期一至日
11:30 - 20:30
以上资料只供参考，请与餐厅确认详情
店铺装修主打怀旧风，墙上贴满七八十年代港星海报播住当年金曲，好啱怀旧嘅朋友🎵平时食车仔面必点萝卜、猪、红猪大肠、鱼蛋都系常客今次加埋鲜猪润、牛百页、豆卜、酸甜斋加 $3 仲送杯冻饮🥤除咗面底仲有菜底🥬酸甜斋同豆卜都系豆制品，酸甜斋偏酸但吸满汤汁都几好味😋菜底系生菜真系好抵😆
继续阅读
每次食晏时间经过总系喺门口排咗条龙，通常五六个人啦，暑天都几晒，店内约30个位，小迫，介意勿排。今次等咗十零分钟。排紧嘅时候拣好嘢食，入座后好快就食得，我拣咗三𩠌：自家制韮菜饺、大排档炒猪膶、炸猪扒，米粉加自家制沙嗲汁。一只大鸡公汤碗有两条菜心，枱上（好辣）嘅菜莆任添，正！菜饺正常发挥，炸猪扒唔太油唔重松肉粉味，猪膶片数较多切薄易熟啲，但唔知点解咬落松散唔实在可能唔够新鲜。同埋再讲多次菜莆好辣！试咗一旧先好再添～ 整体不错，埋单三𩠌$50
继续阅读
面档可以话系铜锣湾区其中一间最常帮衬嘅食店，因为近公司味道又唔错，不过食嚟食去都系𠮶几味𩠌，猪红、大肠、萝卜、瑞士鸡翼，今日等位时先发现佢个menu 原来系有捞面同饭嘅，而且张相睇落又唔错㖞，所以决定要试试佢。叫咗个葱油鸡扒捞粗面，比平时叫车仔面系要耐少少，嚟到嘅时候我同同事们都有啲惊讶到，谁又会谂到系车仔面店会用一只银色西餐碟去上一个捞面呢？仲要系比刀叉你食，真系估佢唔到，而且除咗件鸡扒，仲有只几靓仔嘅糖心蛋，成碟面个样真系不得了。味道嘛，面就唔算系爽口，但条条面都有沾到汁，味道系可以，鸡扒就系炸过嘅，外脆里都唔干，加埋个葱油都几夹，而且有一定厚度，所以真系要用刀叉食嘅，仲有两条菜衬托，食埋觉得成件事平衡咗。下次去到底食车仔面定试埋未食过嘅饭类好呢🤔🤔🤔
继续阅读
哇～来铜锣湾上班的第一天！同事带我吃了面档真的好好吃啊！可以自己加东西我比较喜欢吃河粉，牛腩汁的！绝绝子最喜欢加酸甜斋！还有萝卜还会加牛百叶非常推荐大家去试下～环境：小小的，只有一点点桌子，所以中午吃饭要排队哒服务：店里的哥哥姐姐都很热情，而且上菜很快！会贴心的给准备辣椒酱（辣椒酱也好好吃啊🤤）位置：这个店非常好找！就在利舞台和时代广场附近（具体大家可以谷歌一下）店里可以用现金啦，八达通啦，非常方便！
继续阅读
今日行开铜锣湾，午餐时间，行过见这间车仔面小舖有人排队等食，见价钱合理，网评又讃，决定入去试吓。店内地方虽小，但干净舒适，职员有礼貌，叫左个4𩠌面$ 5 2，食物上枱超大碗，每款𩠌都好多，大肠不是薄片装，大大嚿，肥美又洗得很干净！猪红好滑，豆卜因没有切开，浸汤食0 K，不会太咸，鱼蛋大粒弹口，汤底浓郁，还有自家制菜谱任加，食落十分和味😋门口有怀旧歌星poster和唱机，系喜欢怀旧fans打卡位👍🏻。整体食物超预期，抵赞！
继续阅读