盛記盆菜&盛記麵家

营业中

休息中

唔係純粹街坊舖咁簡單，盛記嘅熱愛社區關懷弱勢嘅行動深得大家支持。限聚令稍寬至8人，大家一齊走入沙田走轉盛記支持本地消費。打邊爐食物整體新鮮，是晚點了兩次美國肥牛，都是肉質腍滑，脆肉鯇新鮮爽脆，久違了的豬紅和鵝腸很受大家歡迎.....我推介炸魚皮、響鈴、老友鬼鬼，都新鮮炸起沒有油膩感。重點項目一定是海鮮，是晚的花蟹絕對新鮮，肉質結實鮮甜，超讚。整晚唯一的少瑕疵就蝦丸肉質鬆散不彈牙，期待下次嘅改善進步。支持我哋會再嚟幫襯㗎。