豆漿大王

营业中

休息中

終於一試傳聞最好食粢飯，到門口已見有十幾個人等外賣，應該唔會中伏。講番野食，呢度粢飯全部都係即叫即做，大家黎到要有耐性等呀，粢飯配豆漿冇得輸，本身對咸豆漿有啲抗拒，所以叫左豆漿加蛋，不過佢地係完全無落糖，可以先試吓豆本身既豆香。再按個人喜好加糖。另外叫咗樽仔奶茶，出奇地好飲，雖然佢唔係茶記。枝樽仔奶茶拍得住出面以奶茶馳名嘅舖頭；另外叫咗煎菜肉包，不過不失一般味道。等到粢飯送上，如果以10分黎講，真係可以俾8-9分，糯米飯份量適中唔會壓到好實，配上熱辣辣脆卜卜油炸鬼，加埋肉鬆炸菜入口香脆，飯同餡料比例剛好，啖啖都有糯米同餡料，值得黎一試呢個粢飯。