劉森記麵家 (元州街) (已結業)

深水埗好多好野食 今日午餐就決定要食傳統既竹昇麵 去到門口發現無位就決定叫外賣拎走 一個人食就淨係叫左個蝦子牛腩牛筋撈麵 $41 姐姐比左個細袋仔我 叫我自己係枱面入啲醃蘿蔔take away 蝦子份量一般般 食到最尾可能會有啲麵沾唔到蝦子 不過牛腩好嫩好入味 牛筋又淋又香 好重膠質 成個口會張住張住咁 呢個時候拎返包醃蘿蔔黎食就岩岩好啦 酸酸甜甜咁 即刻解晒膩 又可以食多兩啖麵同牛筋啦 因為係竹昇麵 個麵質真係好彈牙 牛腩汁加埋蝦子令個麵更加順口 一啲都唔會太乾 呢個午餐真係好滿足啊