影片
更多
2021-06-15
290 浏览
今日同女朋友經過九龍城，重遊夠地，經過宋王臺站，去返小街道，沿途行諗吓食咩，經過呢間大邊爐見到餐廳做緊promote 18週年同埋附近有宋王臺站，全單減免$200，咁啱我哋又想打邊爐，就入去試一試一入到去個環境好似私房菜，圍數唔多，每台之間有啲空間，張枱亦都好闊，入面既姐姐亦好好服務態度。一坐低已經有醬料拼盤，同埋酸菜、豆鼓汁我哋睇咗一輪之後，叫咗一個冬瓜瑤柱湯底，諗住食得清少少，裏面好多冬瓜同埋瑤柱之後叫咗好多款菜式，食得好豐富花膠仔- 雖然貴少少，但係有好多舊，分左幾轉落入去食，加埋個湯底好正雙拼菇（金菇、雞髀菇）- 自由配搭兩款菇，我同女朋友就鍾意食金菇同雞髀菇時令雜菜（娃娃菜、生菜、莧菜）-呢個可以自己揀三款菜，本身想揀西洋菜，但係姐姐話唔當造，所以唔建議我哋揀，菜都幾新鮮同埋入味安格斯肥牛（例）- 呢啲肥牛雖然貴啲，不過例牌都有幾多，食落去好香牛味，同埋好淋，兩人個食差唔多三秒腐皮-腐皮嘅數目都幾多，同埋聞到幾香，冇油益味，即係幾新鮮三寶丸- 分別係牛肉丸、豬肉丸、墨丸，自家製三寶丸，食落好彈牙，唔錯四色餃-分別係魚皮餃、西洋菜餃、莧菜帶子餃、鮮蝦水餃，特別讚下萈菜帶子餃，裏
一入到去個環境好似私房菜，圍數唔多，每台之間有啲空間，張枱亦都好闊，入面既姐姐亦好好服務態度。
一坐低已經有醬料拼盤，同埋酸菜、豆鼓汁
我哋睇咗一輪之後，叫咗一個冬瓜瑤柱湯底，諗住食得清少少，裏面好多冬瓜同埋瑤柱
之後叫咗好多款菜式，食得好豐富
花膠仔- 雖然貴少少，但係有好多舊，分左幾轉落入去食，加埋個湯底好正
雙拼菇（金菇、雞髀菇）- 自由配搭兩款菇，我同女朋友就鍾意食金菇同雞髀菇
時令雜菜（娃娃菜、生菜、莧菜）-呢個可以自己揀三款菜，本身想揀西洋菜，但係姐姐話唔當造，所以唔建議我哋揀，菜都幾新鮮同埋入味
安格斯肥牛（例）- 呢啲肥牛雖然貴啲，不過例牌都有幾多，食落去好香牛味，同埋好淋，兩人個食差唔多
三秒腐皮-腐皮嘅數目都幾多，同埋聞到幾香，冇油益味，即係幾新鮮
三寶丸- 分別係牛肉丸、豬肉丸、墨丸，自家製三寶丸，食落好彈牙，唔錯
四色餃-分別係魚皮餃、西洋菜餃、莧菜帶子餃、鮮蝦水餃，特別讚下萈菜帶子餃，裏面嘅莧菜好好食，帶子亦都有幾粒
特色魚蓉麪- 見到好多人推介，所以試吓，個質感真係唔錯，爽口彈牙，值得一試
最後，叫咗個酸梅湯，餐廳話係自家製，確實係幾好飲，酸酸地，唔會太甜，好解渴
张贴
