SOYmart by 豆乳狂人

营业中

休息中

屋企人一直都好喜歡食豆乳、粢飯。今日過嚟荃灣海之戀商場行街，黎食豆乳狂人。見到佢哋新推出紫薯系列，有豆花又有豆乳，非常吸引！呢度環境坐得舒適，空間感大，設有好多椅凳同高枱，仲用綠色植物點綴，感覺好悠閑。紫紫之選非常大一杯，紫薯泥口感綿密，而且份量超級多，芋頭麻糬Q彈煙韌，將底層豆花撈埋一齊食，口感層次豐富。牛油果吉列蝦青瓜絲粢飯牛油果夠熟，吉列蝦炸得香脆，加上玉子燒燒同油炸鬼，大滿足！ 拉絲炸蛋非常有驚喜，外脆內軟，咬開後芝士同雞蛋口感好夾。黑白芝麻豆乳，胚芽燕麥豆乳，十勝紅豆豆乳用質地好靚嘅樽裝住，豆味濃郁，口感厚實，各有特色，芝麻系最香口，胚芽燕麥最有咬口，十勝紅豆就充滿紅豆的甜蜜。