Poke Go (大南街)

营业中

休息中

第一眼見到嘅就係佢簡樸嘅裝修，加埋輕鬆既音樂，成個環境都充滿大自然嘅氣息，令人好放鬆。我試咗NALU Signature bowl，入面有八爪魚、壽司飯、櫻桃蕃茄、和式青蔥、甜粟米、蟹棒沙律，加埋辛味蛋黃醬同芝麻辣椒。呢個碗真係好豐富，八爪魚好彈牙，壽司飯粒粒分明，甜粟米加埋微辣嘅蛋黃醬，食落去層次好豐富。櫻桃蕃茄同青蔥帶出新鮮感，成個碗味道好均衡。之後我朋友試咗ONO Signature bowl，呢個就係三文魚壽司飯、溫室青瓜、雞蛋絲、蟹棒沙律，再加果仁芝麻醬。三文魚好新鮮，入口即溶，搭配嘅青瓜好脆口，雞蛋絲又滑溜，加上果仁芝麻醬嘅香氣，令到成個碗更加有獨特嘅風味。呢兩款Signature bowl都係超大盤，兩個女仔share一盤都夠食，份量十足，食完真係好滿足。呢間健康食店唔單止食物健康，連擺盤都好靚，俾人一種養眼又養胃嘅感覺。如果你鍾意食健康又有特色嘅料理，呢度一定要試吓！