影片
更多
2023-01-26
994 浏览
【西環】坤記煲仔小菜天氣又凍返，今次朋友帶路嚟到西營盤食煲仔飯。平日夜晚7點鐘，一步已經見到大排長龍，排咗一個鐘入座，排隔離嘅哥仔仲話算快，佢話平時條隊係今日嘅兩三倍。煲仔飯即叫即做，所以嗌咗兩個小菜食住等～✨椒鹽九肚魚外皮炸得超鬆脆，一咬開魚肉入口即化開，好比豆腐般咁嫩😍（注意魚骨較幼，小心魚骨！）✨薑汁芥蘭比呢碟芥蘭驚艷到，顔色翠綠而且爽口。其實只係一碟好基本嘅炒芥蘭，真心好食過出面好多地方。等咗大概25分鐘，重頭戲到了～✨白鱔田雞飯兩款餸都係我最愛，白鱔皮爽肉滑，田雞都好嫩滑，個人特別推介白鱔，豉汁再加埋店舖嘅甜豉油真係無得輸！👉🏻食煲仔飯鍾意食飯焦嘅朋友，可選潤腸、臘味、油鴨 呢啲重油份嘅餸，做出嚟嘅飯焦會更香更可口。✨排骨潤腸飯排骨入味冧身，潤腸好香而且濃味，潤腸油份滲埋落白飯，飯焦超香口，鍾意食潤建議孖腸😍飯焦金黃色好靚仔，不枉我等咗咁耐！✨坤記煲仔小菜📍西環西營盤皇后大道西263號和益大廈地下1號舖
天氣又凍返，今次朋友帶路嚟到西營盤食煲仔飯。平日夜晚7點鐘，一步已經見到大排長龍，排咗一個鐘入座，排隔離嘅哥仔仲話算快，佢話平時條隊係今日嘅兩三倍。
煲仔飯即叫即做，所以嗌咗兩個小菜食住等～
✨椒鹽九肚魚
外皮炸得超鬆脆，一咬開魚肉入口即化開，好比豆腐般咁嫩😍（注意魚骨較幼，小心魚骨！）
✨薑汁芥蘭
比呢碟芥蘭驚艷到，顔色翠綠而且爽口。其實只係一碟好基本嘅炒芥蘭，真心好食過出面好多地方。
等咗大概25分鐘，重頭戲到了～
✨白鱔田雞飯
兩款餸都係我最愛，白鱔皮爽肉滑，田雞都好嫩滑，個人特別推介白鱔，豉汁再加埋店舖嘅甜豉油真係無得輸！
👉🏻食煲仔飯鍾意食飯焦嘅朋友，可選潤腸、臘味、油鴨 呢啲重油份嘅餸，做出嚟嘅飯焦會更香更可口。
✨排骨潤腸飯
排骨入味冧身，潤腸好香而且濃味，潤腸油份滲埋落白飯，飯焦超香口，鍾意食潤建議孖腸😍
飯焦金黃色好靚仔，不枉我等咗咁耐！
✨坤記煲仔小菜
📍西環西營盤皇后大道西263號和益大廈地下1號舖
张贴
