坤記煲仔小菜

实在太钟意食港式嘅芝士焗龙虾伊面底，今日嚟到西营盘坤记，得两条友食晚餐，唔想叫两个煲仔饭咁寡，所以就叫咗其中一个佢地嘅特别介绍：芝士上汤中虾(伊面底)，顺便试试个小菜厨嘅功力，另外叫一个白鳝排骨腊肠煲仔饭。一如所料，煲仔饭要等好耐，芝士虾先上枱。哗，芝士虾都用煲仔上，热辣辣，诚意十足。但放低一睇，濑嘢😱，点解个芝士汁会稀如水呢？一问之下，原来佢哋做嘅系有芝士嘅上汤，而非芝士上汤汁。既来之则安之，当然照食可也。芝士上汤，虽然同我想像嘅质感好大落差，但味道竟然系好味嘅，芝士味够，上汤亦ok。中虾炸得够透，可以连壳一起吃掉。伊面唔会过淋，渌得啱啱好。成件事系中伏了，却又几好食😆。🐑白鳝排骨腊肠煲仔饭，所有嘅𩠌都唔错，煲底饭焦亦好易起，而且几靓仔，不过个饭略嫌都仲系湿咗少少，慢火煨多佢5分钟可能好啲。🐑椒丝腐乳通菜，好味，冇投诉，完。#西营盘 #坤记 #脷安食道 #LeionFoodChannel…查看更多

成日都话食煲仔饭系撞手神。今晚两人用餐，叫咗以下𩠌菜：1. 招牌黄金蜡味捞饭（追加润肠）2. 椒盐九肚鱼3. 啫啫娃娃菜招牌黄金蜡味捞饭：时间唔足，饭焦极少，但蜡味油香争少少，追加润肠偏咸偏硬（冇粉感），但饭底干身都算合格。椒盐九肚鱼：九肚鱼一如平日粉薄、火候岩岩好，但面料偏少，食唔出椒盐风味。啫啫娃娃菜：煲仔上果下香气足，但又系时间争啲，菜唔太入味。总括嚟讲，多次帮衬，今次算偶有失手，特别系个饭油香同饭焦都争少少，但水准稳定，仍会回头帮衬。…查看更多

慕名而来，平日夜晚排队都要排两个钟先有得入去真系好多人感觉有半个场系外国旅客。餐牌都多嘢选择，除咗煲仔饭仲有啲小菜，炒蚬椒盐鲜鱿九肚鱼通菜𠮶啲，唔会太寡。不过可能真系太多人，煲仔饭都要等成45分钟，如果太肚饿嘅真系会饿死，可能佢啲炉头太少唔可以一次过同时煮太多煲。试咗个田鸡白鳝煲仔饭，真系即叫即整，上嘅时候个煲仲热辣辣，啲饭焦仲未冻硬。田鸡同白鳝都好新鲜，feel都用料系好嘅，不过分量唔算多。败笔就系啲饭焦好少，可能急住上枱，只系得少少淡黄色，唔够香脆。同埋要排太耐又坐得好迫，性价比连等候时间令到佢扣咗啲分。…查看更多

前排听朋友讲呢坤记煲仔小菜啲煲仔饭好好食，见呢排时间多少少一家去西环个边行下，顺便试一试。叫咗招牌腊味煲仔饭、滑鸡煲仔饭同煲汤。饭煲上枱仲滋滋声，香到漏！腊味香气渗晒入饭粒，食落去粒粒都有入晒味，饭底焦香十足，大家都争住食。滑鸡嫩滑唔会有骨碎，我哋都好放心俾小朋友食。唔够甜鼓油职员都会帮忙加甜豉油，服务细心。坐位传统茶档style但够local feel。大家食完都话满足，价钱唔过$300，抵到爆。建议早啲去，唔系真系要排耐啲！人气真系唔少。…查看更多

听朋友讲西环有间好出名既煲仔饭，一于今日就去试下，朋友话要比较早去先有位，例如下午5点半开业即刻去。我地去到都真系在门口等了大概15分钟才有位，吃完出来，门口一大条龙排晒队，真系好多人去食。通菜炒鲜鱿，炒菜的味道几好，鲜鱿都有鲜味而且口感Q弹。白鳝排骨饭，配料的话白鳝整得几好，煲仔饭我反而觉得没有特别好吃，可以说是普普通通，是有饭焦的，但是上菜速度也需要等很久，最少半个小时。大家真的不赶时间，不介意等候才去吃吧。…查看更多