七福神和食亭

营业中

休息中

昨晚姊妹推介去咗呢一間餐廳食飯😊睇到FB都有好多人都話呢間餐廳好食，就去咗回一回佢！而且一去到呢間餐廳嘅時候，成個氣氛環境都非常之舒適！鍾意食日本菜當然唔少得一定要試吓呢一度嘅刺身啦，呢度嘅刺身非常之高水準！我哋叫咗呢一個刺身盛合！入面嘅刺身非常之啱我自己口味，我好鍾意食海膽同埋三文魚，呢兩款刺身亦都係做得好出色！另外仲試呢一份牛肝菌羽衣甘藍pizza！呢一個Pizza係我自己好喜歡的，因為佢係好薄嘅餅底，再加埋上面嘅牛肝菌醬汁非常之美味！仲叫咗兩款串燒同埋茶碗蒸！整體來講，呢一間餐廳嘅食物菜式種類好多，而且食物質素好高，價錢亦都唔貴，性價比好高嘅一間日本餐廳！