本身我同老公諗住去食完正餐之後再嚟呢度食甜品，因為一直以為間舖頭係甜品店，點知我哋去緊食正餐路過嘅時候睇睇餐牌，原來呢度都有正餐食，仲係食台灣嘢添! 咁就太好啦，我哋一於正餐同甜品都喺度搞掂
雖然我哋得兩個人，不過真係好肚餓，所以叫咗好多食物
起初見到開心果蛋餅我哋完全唔知佢係甜定鹹，所以就問店員，店員都好Nice話係甜食嚟嘅，仲推介我哋必試添
佢果然冇介紹錯！全部食物令我最深刻印象就係呢一樣，滿滿嘅開心果醬同開心果粒，份量多到好似唔使錢咁，鍾意開心果嘅人一定越食越開心推薦所有開心果控一定要嚟呢間餐廳食吓！
1
13
