樂天皇朝 (東薈城名店倉)

营业中

休息中

今日中午同家姐到東薈城二期搵嘢食，家姐想食小籠包，二話不說揀咗樂天王朝，佢最出名嘅係八色小籠包，梗係要嗌啦，皮夠薄而唔會穿，裏面仲有好多肉汁，非常好味！除咗小籠包，仲叫咗個蝦仁酸辣拉湯，不過酸辣湯太過辣（明明餐牌上只係得一個辣椒），拉麵一嚿嚿，蝦仁數量太少，同家姐加埋食咗都唔超過五隻，下次寧願嗌碗擔擔麵算。另外仲有叫生煎包，熱辣辣煎起，加上豬肉好多汁，所以可以encore！食完午飯就去睇Joker, 喺香港今日嘅時勢睇完感受特別深。