Odelice! (海之戀商場)

🐻👨🏽放假難得去接🐻👩🏻收工，決定係街食埋飯先返歸，🐻👩🏻話成日食日本菜食到悶，身為好老公當然要做啲野，揾左呢間係海之戀商場既ÔDELICE，地點就腳之餘又有格調。🐻趕係食飯人潮前來到餐廳，唔使等位就可以入座，真幸運。餐廳主打法國菜式，絕對滿足到🐻👩🏻既要求，佢既dinner set仲好實惠，餐湯前菜加主菜都係$538。🐻今日餐湯係甘筍湯配上小法棍，入口味道清新同啖啖甘筍蓉，加上法棍既脆口，剛剛好挑起食慾。🐻來到法式餐廳當然要點法國田螺，螺肉口感軟糯，牛油香配合香草橄欖油，鮮味得來唔會油膩。再來一個法式點心拼盤，一上枱就感到好滿足，每款點心味道口感都大不同，有冷有熱好有特色，個人最喜好法式小蘿蔔配肉醬，好特別。🐻主菜我哋叫左兩份牛扒，因為🐻👩🏻呻左想食肉好多日。阿根廷安格斯牛脊肉五成熟，每嚼一下肉味就滲出來，熟度剛剛好，口感軟淋，加上鴨肝砵酒醬更惹味，伴碟既燒薯粒都好出色，真係錦上添花。阿根廷安格斯肉眼牛排，都係五成熟，口感上無咁軟淋，但係啖啖肉，對愛食肉既🐻👩🏻來講真係大滿足。