新廣南餐室

营业中

休息中

新廣南餐室，甫入店就聞到懷舊冰室嘅味道，新派西餐廳沒有嘅嘅味道，係格仔枱布，係水吧紅茶，係鐵板扒餐，係舊店獨有嘅混合味道，只有去過嘅人先能夠理解。。。店內客人唔多，揀咗卡位坐，白湯係粟米忌廉湯，傳統做法傳統味道，我喜歡加胡椒粉，夠熱，幾好飲。主食係焗鮮茄牛脷飯炒底好香，粒粒分明夠乾身，係岀色嘅！牛脷偏冧，沒有彈性，油香一般。汁正常，中規中矩。凍谷咕跟餐要加8蚊，仲要加一，谷咕係平野，不過已經冇乜餐廳有得飲，天氣又熱，千金難買我想飲，照要！！一放低，我就飲咗三分一，舊冰室嘅感覺返曬嚟！埋單八十幾蚊，話貴唔貴話平唔平，不過食一餐正正常常嘅，當懷念舊冰室就值得比嘅。