新廣南餐室

自從搬咗去新界之後就好少過嚟食，難得今日同屋企人都得閒就過嚟懷舊一下，味道比想像中好，海南雞同咖喱值得一試，我仔仔就食牛柳餐。鐵板黑椒牛柳，只需要$105 ，連餐湯餐包，我覺得好抵食，餐湯真材實料，沒有加太多調味料及醬料，好像是食物的原汁原味煲出來，然後黑椒汁也比較淡味，唯一可惜嘅係，件牛柳略為鞋！然後薑蔥雞煲，啲雞好好食應該唔係平時嗰啲冇雞味嘅平雞，可能類似三黃雞之類，好有雞味，而且上菜嘅時候好夠熱，啲汁仲出晒煙渣渣聲おいしい😋！而咖喱牛脷方面就係懷舊的味道，仍然都比較淡！大部份食客都上了年紀，好像是熟客，有部份上了年紀的兩公婆感覺上以前是來這裏拍過拖現在再嚟兩口子好溫馨…查看更多

旺角上海街的「食新廣南餐室」，是間懷舊港式扒房，晚餐選擇抵食大份。 吉列魚配飯（燒汁）即叫即炸，外層金黃脆口，魚肉保持嫩滑，淋上燒汁，送飯一流。 鴛鴦扒配意粉（燒汁）有齊牛扒同豬扒，大份抵食！肉質鬆化，燒汁香濃，意粉吸盡醬汁好惹味。 環境乾淨光猛，服務爽手，想簡簡單單食個港式晚餐，這裡是不錯選擇。…查看更多

朋友好鍾意懷舊餐廳，而我就鍾意食鐵板餐，呢一日就帶佢過嚟一齊試吓呢間歷史悠久嘅新廣南餐室。餐廳樓高兩層，整體裝潢，格仔枱布，卡位枱凳，夠晒懷舊，朋友都好鍾意。我哋叫咗兩個扒餐，雜扒餐有雞扒、豬扒、牛脷、腸仔、火腿，食完好滿足。羅宋湯味道都唔錯，凍檸茶就一般。雜扒餐 $105 要收加一服務費，價錢唔算平，不過整體服務同味道都唔差，舊式餐廳買少見少，應該支持吓💪🏻。聽講呢度嘅海南雞飯都好出名，下次一於再嚟試吓。鐵板雜扒📍新廣南餐室 (旺角)旺角上海街631-633號地舖…查看更多

好味老牌餐廳旺角茶茶餐廳午餐都無乜特別，行過亞皆老街，遠望到哩個老招牌，記得佢食評都OK，咪入去試下。味道蒜蓉雞扒意大利粉午餐($52)3.5分- 吾會好似茶餐廳咁快，食落有機會系即煎，居然有兩大塊雞扒，雞肉好滑，吾會太大雪櫃味。蒜蓉味都好好。- 意大利粉吾彈口，-例湯好甜。焗椰子雞飯($65)4分- 椰子味好香，飯都好好- 雞胸都吾鞋，算有雞味- 薯仔如果可以淋d就更好。- 裝修(3.5分)-都系老牌餐廳味道，但幾乾淨服務(4分)- 要轉檯，分開幾次攞吾同餐具，都無問題，系無乜笑容或者親切感。- 只收現金系差小小抵食(4分)-系旺角邊，有咁食物分量同質數，算吾錯。…查看更多

這餐室成立於1946年, 比我父親還要年老, 這裡和馬華一樣, 到時很有歷史而又主打馬拉菜式, 海南雞飯, 咖喱牛腩飯以及串燒也是這裏著名的. 著名還著名, 好吃與否是另一回事, 雞肉偏淡色, 味道不濃, 而且肉味不濃而又帶雪藏味, 吃起來就像一般茶餐廳的貨色, 要不是有這樣的歷史, 就不會有任何的留名. 雞飯帶微微香茅味, 飯身油亮但吃起來有點糊化, 同樣表現也是一般.沙嗲牛肉串反而有驚喜, 將牛肉串烤好後再淋上沙嗲汁, 牛肉烤得外脆內嫩, 有些嚼勁但我完全不韌, 而且熟度較好, 帶微微焦比香, 沙嗲醬花生味較重, 不太鹹也不太辣, 每個位置都比海南雞飯表現更為OK!…查看更多

(回憶系列第一集)香港地經過疫情之後，好同差嘅餐廳都褶埋不少，究竟有幾多間餐廳，經營四十年仍然屹立不倒? 連牌頭都無轉?有嘅話請留言通知! 唔該哂!點解我有哩個念頭? 全因為近期要去旺角返學，經過上海街驚覺新廣南仍然營業! 一見到門面，滿懷回憶返哂嚟!回帶返到80年代! 當年係旺角讀小學，日日放學都會經過新廣南，再行去前少少嘅33A巴士站搭車，當年上海街仲係雙向行車，33A仲係大角咀碼頭開出!最最最難以忘記，就係當年暗戀嘅小情人都係搭33A，所以放學點屎都飛奔去33A巴士站，為的是見小情人一面! 每次見小情人都會心跳加速! 我純品又怕醜嘛..... 四十年過去，於是忽發奇想，究竟依家仲有幾多餐廳仍然生存緊呢? 當然鬼唔知 Peninsula 過百年歷史咩，但我想做一個回憶記錄，係小學時已經見過或者幫襯過嘅貼地餐廳，就算轉咗牌頭都好，就算唔好食服務差都好，做吓個人記錄.門面，四十年來無太大變動，入面裝修同待應有無變動我唔知，因為從來未幫襯過，但好明顯曾經翻新，睇到上半牆同天花思零新但牆身下半部舊.打開本 Menu，本 Menu 都好新吓，點咗羅宋湯，海南雞跟油飯，沙嗲牛肉半份，魚香茄子煲.見到甜品係什麼新廣南之寶，賣相唔錯，點咗一客.優點:1, 環境新淨闊落舒服.2, 沙嗲牛肉用鐵板上，一見到鐵板就必定要發出咋咋聲，眼前嘅鐵板咋咋聲，達標!3, 沙嗲牛肉算叫做 Juicy，再煮就過火，所以一上枱即刻抽起放埋一邊，唔好再接觸鐵板.4, 羅宋湯唔算優質，但最起碼唔係水汪汪.缺點一大堆!1, 加一服務費但係無服務，兩位阿姐臉黑悔氣又頭髮蓬鬆洗碗阿姐個 look 都優勝過佢! 放低個餐係掉落枱! 都算! 連落 order 都攪錯! 仲好意思收服務費?2, 早兩日先去土瓜灣來泰巷食海南雞同沙嗲，簡直天堂同十九層地獄! 先講海南雞，份量少偷工減料，雞肉同雞皮唔夠嫩滑，女友小熊咁奀皮D皮都滑過佢! 油飯好過隻雞，需要油飯外貌唔得，但食落又幾好味，好似我咁外貌唔得但食落幾得!3, 魚香茄子無魚香.4, 沙嗲牛肉 okay但沙嗲汁唔得，味唔夠濃.5, 叫得新廣南之寶，你以為係好嘢? 有相有真相啦! 只得兩個波 (女友小熊指正我話雪糕係叫兩球!) 雪糕，實物同相完全兩回事! 味道又一般，中坑中伏啦!6, 吸引力法則，D女待應古古怪怪，老板又似帶眼鏡馬雲，吸引咗D古怪人嚟幫襯，坐咗係女友小熊後面枱自言自語，又鬧政府又鬧財政司，又後又大大聲搵老板吹水，四眼馬雲愛理唔理，都算! 點知個古怪女待應放低個餐俾佢，話廚房攪錯雪菜變榨菜! 我幾驚古怪人會不滿發火殃及池魚，攪著女友小熊! 大家都知女友發火非同小可! 連佢自己都唔知後果會點......我唔想學你隆機咁要探女友監囉......所以.... 相信以後都唔會再幫襯了.…查看更多

If you like this old Hong Kong style restaurant, there are still one in Mong Kong, serving the favorite HK people dishes when we were young懷舊香港茶餐廳喺旺角嘅上海街，你仲可以搵到呢一間茶餐廳佢賣緊香港人以前最鍾意嘅海南雞飯同埋咖喱牛腩飯，你坐嘅係會有卡位，而背景板，好多時都係香港50年代60年代嘅一啲街景寫照！食物質素依然保持水準，亦都保持以前高嘅味道，嗰陣時嘅海南雞係仲有骨㗎！仲有兩個醬俾你點！一個係薑蔥，一個係佢特製嘅海南雞醬！…查看更多

行過無數次，終於探咗新廣南食次下午茶，剛拎上嚟嘅牛柳鐵板餐，猛噴香氣，彷彿話比我聽「快啲食我！」。七成熟牛柳啖啖肉，嫩滑得嚟有喺口裡化開嘅感覺。那餘韻留喺舌尖上，唔使刻意去想，自然就記得住。西冷鐵板——呢塊肉算係肥瘦相間，啖啖嚼得夠味。羅宋湯正！湯底夠酸爽，個銀包又夠熱辣辣，之間比個拍拖嘅感覺！😉海南雞飯一出場，即刻覺着呢間餐廳對嘢食嘅用心。油飯香滑得嚟，一啖盛滿嗰種從前嘅味道。雞肉質素雖然一般，但整體黎講都算調和得宜。星洲炒米就真係贏面臉，一啲唔馬虎——籠統咁俾個「好味」就算！炒貴刁雖然失咗點節，但總體上都算滿足。紅豆冰，清甜解膩，踏正咗我要嘅甜蜜感覺。🍧總之，新廣南讓我有種時光倒流返去耳聞目睹古舊味道嘅錯覺，下次帶埋班friend嚟，分享下香港幾十年嘅美味。…查看更多

這間看似是星馬餐廳，實質卻只不過是有星馬菜吃的港式茶餐廳，原來有一個只在星期五、六才有得吃的精美午餐，實在有點奇怪。通常餐廳如果有假日才供應的餐牌的話，一般都會在星期六、日提供，極少極少會把定在星期五、六才有時得吃，所以這天就在這間流露著不少舊日港式情懷的茶餐廳吃飯的我，就被這精美午餐吸引，捨海南雞飯而取精美午餐中的其中一款「煙肉汁牛仔柳意粉」（$55/，未計加一）做午餐。在中湯、忌廉湯與羅宋湯三者中揀了多年前讀書時期和中學同學一起到西餐廳吃午餐時常喝的「忌廉湯」，湯是開粉而點漿口的普通港式茶餐廳的白湯，下點胡椒粉用匙羹舀著喝，中學時代的回憶立刻返晒來。把煙肉汁換成燒汁的「煙肉汁牛仔柳意粉」意粉始終偏淋而不夠彈牙，燒汁的味道也稍欠濃郁，一大一小的牛仔柳肉質普普通通，不會是怎麼優質的肉扒，可也不會讓人覺得難吃。餐飲來杯走甜版的「凍檸茶」（凍飲加 $3），一餐平平凡凡的午餐話咁快便吃完了。…查看更多

中午入去老地方，一直都係快靚正。今次就坐滿，冷氣唔夠力。出菜就等左20分鐘，得到呢3舊雞(如圖)，亞姐話咖哩雞是咁，無語。呢個一餸飯，加一後收60幾大洋，。老牌食堂都係老顧客，顧下食客感受。…查看更多

新廣南餐室，甫入店就聞到懷舊冰室嘅味道，新派西餐廳沒有嘅嘅味道，係格仔枱布，係水吧紅茶，係鐵板扒餐，係舊店獨有嘅混合味道，只有去過嘅人先能夠理解。。。店內客人唔多，揀咗卡位坐，白湯係粟米忌廉湯，傳統做法傳統味道，我喜歡加胡椒粉，夠熱，幾好飲。主食係焗鮮茄牛脷飯炒底好香，粒粒分明夠乾身，係岀色嘅！牛脷偏冧，沒有彈性，油香一般。汁正常，中規中矩。凍谷咕跟餐要加8蚊，仲要加一，谷咕係平野，不過已經冇乜餐廳有得飲，天氣又熱，千金難買我想飲，照要！！一放低，我就飲咗三分一，舊冰室嘅感覺返曬嚟！埋單八十幾蚊，話貴唔貴話平唔平，不過食一餐正正常常嘅，當懷念舊冰室就值得比嘅。…查看更多

去咗咁多次618, 第一次發現原來佢個外形係咁嘅就係因為去得太多次今次就去對面嘅新廣南食, 呢間開業於1946年嘅餐廳, 因為價錢便宜, 啲嘢都唔錯, 所以都幾多人幫襯!入到去剛剛好係下午茶餐時間開始, 就梗係食下午茶餐啦!叫咗個乾炒豬扒烏冬, 可能係下午茶餐所以份量比一般嘅細, 反而我想講佢每人畀嗰杯茶,好好飲! 檸檬茶一般般,不過不失!個炒烏冬有啲油同埋啲咸! 飲埋佢畀你嗰杯茶就啱啱好喇!還可以接受!可能下次我會試下食佢個海南雞飯或者湯麵! 始終幾廿年歷史嘅餐廳, 買少見少! 都要支持吓! 如果唔係執埋, 就冇㗎喇!…查看更多

星期日搵食，呢間老字號，一點半人多，老式冰室格局，老員工招呼正常無黑面，午餐47連凍飲本應不貴，乾炒牛河煮得不算油膩，但頗碎散， 凍啡要少甜，但結果好甜本來都還算滿意一餐，但埋單才來個加一回馬槍，就頗有問題了…查看更多

唔燶嘅焗豬扒飯、冇乾提子嘅摩羅雞飯、冇雪糕嘅紅豆冰、冇冰嘅凍檸茶，咁呢間係茶記定餐廳🍴，佢又識得收+1喎🧐焗豬扒飯完全都唔燶嘅，完全都唔覺得有焗過囉。摩羅雞飯呢個一定係舊式舖頭先至有嘅，而家喺香港都唔會有好多間有得賣，但真係一般啦！個飯底都冇乾提子嘅🙁明明落order同佢講要雪糕紅豆冰，點知來到時係紅豆冰，我嘅雪糕去咗邊度呀🙁冇冰嘅凍檸茶oh my god 仲要啲茶色渾濁，啲茶膽返咗，茶味就會苦澀😣…查看更多

吃了一個一般的午餐，到收銀處付款時， 餐牌標價47元，但當給予一百 元付款，銀碼居然是＄57，問收銀員，她說加一，真係離曬大譜。一間好唔老實嘅茶餐廳，永遠不會幫襯。😡😡😡…查看更多