影片
更多
2025-05-26
197 浏览
11年前同👦🏻黎過Tivoli意大利餐廳慶祝生日，最近舊地重遊來一個老派約會，無論裝潢、食物及服務都依然高質，係慶祝及約會嘅好去處！Tivoli於70年代開業，裝潢懷舊中不失浪漫典雅，每張枱都會點有蠟燭，名副其實燭光晚餐。侍應們都有一定年紀，但做事依然靈活爽快，好多仲好幽默，不但同熟客有講有笑，我哋較少黎都好友善咁傾幾句，充滿人情味。先點兩杯特飲，個名好特別:鮮果樂園（$60 ）夏夜儷影（$60）兩杯都果香十足，特別推薦鮮果樂園，有橙汁雪條，帶有沙冰口感，清新冰涼，溝埋菠蘿及西柚汁，甜甜酸酸非常開胃！入面仲有好多雜果及椰果，好fruity! 法式焗田螺($158)田螺焗完即刻上枱，熱騰騰的，底下墊有香滑嘅薯蓉，口感creamy。羅馬菜沙律($158)份量好大，沙律醬拌入大量雜果同羅馬生菜，有香蕉、芒果、提子、士多啤梨、蜜瓜，真係只有港式西餐先食到呢個味道！四季雜錦pizza（$228）呢度嘅Pizza係招牌之一，pizza 係薄脆餅乾底，芝士落得慷慨，輕易拉絲，不過除咗芝士之外，其他配料略嫌比較少。火焰雪山($228)而家已經越來越少餐廳有得食火焰雪山，因為整一個火焰雪山需要30分鐘，
Tivoli於70年代開業，裝潢懷舊中不失浪漫典雅，每張枱都會點有蠟燭，名副其實燭光晚餐。侍應們都有一定年紀，但做事依然靈活爽快，好多仲好幽默，不但同熟客有講有笑，我哋較少黎都好友善咁傾幾句，充滿人情味。
先點兩杯特飲，個名好特別:
鮮果樂園（$60 ）
夏夜儷影（$60）
兩杯都果香十足，特別推薦鮮果樂園，有橙汁雪條，帶有沙冰口感，清新冰涼，溝埋菠蘿及西柚汁，甜甜酸酸非常開胃！入面仲有好多雜果及椰果，好fruity!
法式焗田螺($158)
田螺焗完即刻上枱，熱騰騰的，底下墊有香滑嘅薯蓉，口感creamy。
羅馬菜沙律($158)
份量好大，沙律醬拌入大量雜果同羅馬生菜，有香蕉、芒果、提子、士多啤梨、蜜瓜，真係只有港式西餐先食到呢個味道！
四季雜錦pizza（$228）
呢度嘅Pizza係招牌之一，pizza 係薄脆餅乾底，芝士落得慷慨，輕易拉絲，不過除咗芝士之外，其他配料略嫌比較少。
火焰雪山($228)
而家已經越來越少餐廳有得食火焰雪山，因為整一個火焰雪山需要30分鐘，實在成本太高！好彩呢度仍然有得食，份量比我記憶中更加大呢！蛋白超級輕盈，入面係懷舊嘅朱古力雪糕，入口係濃濃嘅Rum酒香！由於有好多水果，所以我哋兩個清晒成個甜品冇難度😆
张贴
