方叔叔重慶老火鍋 (The L. Place)

营业中

休息中

平日最鐘意同朋友去既渝味曉渝已改名做🌶️方叔叔重慶老火鍋 🌶️ 天氣開始越嚟越凍，今次同朋友仔一齊嚟佢地中環分店食火鍋暖暖胃🫶🏻名字改左，但環境一樣咁舒服，因為係人氣火鍋店，個晚成間餐廳都滿座！一坐低後服務員就推薦左限定既羊肉鴛鴦鍋，一次過有曬羊肉🐏湯底同埋我最愛既麻辣湯底🌶️ 限定既羊肉火鍋，完全冇羶味，充滿藥膳味道，入邊仲有藥材，飲完暖笠笠，羊肉炆得好淋添！佢地既麻辣湯底就唔使講，可以話係我食過最正宗最好味😋今次選中環分店因為佢地出左好多人氣火鍋配料，我地忍唔住要試一試！⭐️美國Prime 牛小排每次必點，高質既Prime 牛小排脂肪分佈均勻，放係火鍋到滾一滾就食得，入口即溶。⭐️嫩牛肉第一次試，已經處理牛肉，滑得黎又有牛肉味，而且係厚切，人口有口感。⭐️鮮竹笙新鮮好味，又彈牙。⭐️黑松露手打墨魚滑中環店限定，鍾意食黑松露跟我即點黎試！⭐️紐西蘭精品羊肉卷 羊肉唔羶配埋羊肉火鍋食完成個人暖笠笠。⭐️潮汕打牛筋丸我好鍾意食佢哋嘅牛筋丸，充滿牛肉味！仲好有口感！⭐️鮮滑魚麵每一口都係鮮魚味，爽口鮮味。最鐘意黎唔止因為佢地服務好，又細心，而且每一張枱嘅相隔比較好，坐得舒服，而且飲品夠大杯，就算食辣都唔怕！