大鍋口海鮮火鍋店

营业中

休息中

約咗好友聚聚，我哋兩個邊爐怪🤭揀咗去食雞煲火鍋，係佐敦站一出過對面馬路就係好方便，環境好闊落舒服，有卡位同埋圓枱。呢度係一個價錢任飲任食，先食雞煲再打邊爐，麻辣雞煲可無限添加，個雞煲🌶️好惹味，雞肉都幾嫩滑。食完雞煲可以再揀款湯底打邊爐，我哋叫咗⭐️胡椒豬肚湯底⭐️，湯底胡椒味幾香又唔會太搶口，豬肚夠淋身又唔會有陣臭味好好食😋火鍋配料有成80 款可以任點任食，下單後上菜速度都好快手，亦冇漏過單👍🏻另外有啲靚牛肉/ 蠔/ 蚌/ 帶子就需要額外收費。基本任食會送一份一次性「極品肥牛」，就算任食叫果D肥牛都質數幾好呀。✨必點火鍋配料推介：✨🔶手切肥牛🔶生猛海蝦🔶自家製韮菜餃🔶炸魚皮總括來說，晚市二百幾蚊一位任飲任食真係性價比高，咁多樣嘢食抵過自己買材料返屋企打邊爐，坐得又舒服😌，員工做嘢又快手。