大鍋口海鮮火鍋店

今日天气冻， 晚上9:30后想揾间抵食火锅，见到呢间做特价，$198加一，见佢包埋鸡煲，火锅配料同埋牛肉任食，所以就拣咗呢间食嘢啦。牛肉OK ，竹蔗茅根好好饮，个鸡煲汤底配出前一丁好入味，之后叫个火锅汤底椰子鸡汤底都几鲜甜。重点系服务质素几好，食到咁上下，服务员主动问我哋仲使唔使叫嘢或者加汤底，任食火锅嚟讲算系几好。任食两小时，头一个小时已经好饱，汽水蔗水任饮，仲有龟苓膏可以任食，如果你加多几十蚊就可以啤酒任饮。一班人聚会可以拣嘅地方。…查看更多

同朋友揾地方食嘢。。。揾到呢间打边炉。。。任饮任食。。另加50蚊可任坐，无限时。。。店舖位置方便，地铁站附近。。唔难揾。。服务几好。。价钱唔贵。。嘢食同饮品选择算正常。。。有炸鱼皮。。凉拌青瓜。。虾片。。仲有软雪糕。。食物算新鲜。。落单后送餐快。。唔使等好耐。。合理价钱。。3个人。。平均每人$320。。食足5个钟。。。油尖旺区算唔错。。。座位尚算寛阔。。。厕所清洁度都几好。。有提供洗手液。。之后会再帮衬。。。…查看更多

原本谂住好地地食个宵夜火锅，见大部份人都选择北上消费，我哋都系选择留港，希望真系香港经济，点知我觉得呢间简直系饮食界嘅老鼠屎。食物质素唔特别高，但心想二百零蚊冇乜要求就算了。埋单的时候突然见到要每位加多$50 ，我就问老板点解，佢答我话因为我哋坐多咗时间，电脑会自动帮我们加钟无限时，但当时根本没有人提我们够钟，而我们在这半小时内只是谈笑风生没有食过任何东西，但老板就基于我们未有埋单的关系所以要额外收钱。还跟我们说枱上面有大字写了这条款。 我没有再跟他理论，埋了单就算，他给我的$50折扣卷也没有拿，不是因为钱的问题，是条气的问题，又为香港饮食界感到悲哀。你要谂办法赚多啲，我情愿你把标价写高d，又或者写在门口的大价钱牌，不要做些鬼鬼鼠鼠的细节，这会更令人讨厌。Remark: 1. 当时不是满座，3 成左右，如果是满座，我们也会尽快让位出来。…查看更多

星期六晚打去问有冇位, 阿姐表示直接上去就得。十年前经常帮衬每次都逼爆䢂口位, 最少都等成个几两个钟。今次竟然得𠮶4,5枱落单, 等左15分钟以上~催完之后系咁咦俾左两只虾+肥牛连生菜都未有, 每次落单都梗有嘢漏生菜终于到🥬系半棵咁上~而唔系独立一块块。其他食物都不过不失到最尾因为个个员工都执紧枱, 于是行过去同姐姐讲埋单,顺便出示埋长者卡。姐姐企喺原位同后生男同事讲话埋单+一张长者卡。二人相距只有一米半距离👩🏼=我, 💁🏻‍♂️=男同事, 👨🏻=经理💁🏻‍♂️: (揸住张单行埋来)俾咩付款方式？👩🏼: 收唔收AE?💁🏻‍♂️: ehh… ehh…ehhh..VISA MASTER👩🏼: 美国运通有冇？💁🏻‍♂️: 运通呀？唔知呙~要问一问(照旧企喺度不为所动)废事纠缠准备俾Master Card, 问佢拎张单来睇👩🏼: 下? $500几? 冇长者优惠? 💁🏻‍♂️: 哦, 要出示返俾我地抄低number 先有得折(行开左20分钟左右)就算冇优惠都冇可能咁贵等紧𠮶时出去拎嘢饮, 再问经理确认下👨🏻: 系呀, 你21:50入座嘅~$208宵夜价, 长者再有优惠男店员见我经过就扮哂处理💁🏻‍♂️: 哇！佢张单错哂呙..边个落咖张单? 我行返埋位继续等, 两位$208咁难计咩？我地又冇额外加嘢👨🏻: 依度帮你改返咖啦,多谢。消费满$500会有张coupon 俾返你, 留来下次用。但因为你今次唔够所以就冇得送~系咪因为生意差就咁样呃啲客搏佢地会再来？仲要笃大条数, 之后扮好心咁话送coupon? 好在不嬲有睇单嘅习惯, 咪落左楼真系冇得拗…查看更多

今次食咗佢哋𠮶个鸡煲同埋和牛海鲜火锅套餐，和牛好好味，海鲜好新鲜！而且份量超级够！仲有好多其他火锅汤底同埋配料拣😍我哋拣咗醉鸡汤底，好入味！渌完啲嘢食，我自己就冇再配其他酱料已经觉得好好味😌下次一定会再嚟食😛😛…查看更多