盛記粥麵

营业中

休息中

搬去佐敦都差不到一年，但就聽過朋友推薦，但一直未有去試。今日星期日難得有朋友過來玩，就行過去附近盛記粥麵入去試一試。兩個人叫咗碗招牌狀元粥、狀元粥材料足，然粥又棉又熱辣辣，不錯不錯。蝦子撈麵加碗淨雲吞，見跟餐配小食咁抵食。外加份埋鯪魚球配南乳雞翼。野食超快上齊，鯪魚球簡直係我最愛，酥脆得來唔油，而且同南乳雞翼一樣係現炸，香脆可口。食粥清淡之外，食隻炸雞翼中和一下。蝦子麵既麵質係爽脆，配碗湯就冇咁乾，雲呑入面蝦大大隻，粥大碗兼足料，入面配料全部大大件。最後再配餐點杯熱豆漿，豆味濃郁，真係健康輕食最佳之選。