影片
更多
2025-04-15
42 浏览
夜晚想食啲輕食加甜品，搵到呢間位於佐敦嘅Cafe TERA Pancake House。環境寧靜舒服，坐得闊落，啱晒朋友慢慢傾偈嘅地方。🥞榛子焙茶梳乎厘班戟 $138焙茶同榛子原本諗住會唔會有啲搶味，點知配合得出奇地夾。焙茶忌廉有茶香，唔會甜膩，梳乎厘班戟超級鬆軟濕潤，食落有空氣感。焙茶牛奶布丁粒滑溜，榛子脆脆同金寶粒令口感更豐富，每啖都充滿層次感，好值得一試👍🏻🍝帆立貝明太子蟹肉扁意粉 $128明太子醬鹹香突出，掛汁力強，扁意粉煙韌得嚟唔會過腍，帆立貝都幾大粒，配埋啖啖鮮甜蟹肉，鮮味更加升級，味道有驚喜。🍖慢煮加拿大保濕豬鞍架 $178一上枱已經聞到陣陣肉香🐷，外層微焦，裡面軟嫩多汁，好易咬開。調味輕手，成功保留咗豬鞍原始嘅肉香。配菜沙律同蘆筍都幾新鮮，食完覺得冇咁heavy🤣🍦自家製抹茶雪糕 $48抹茶味溫和，但稍微偏甜，唔係走苦澀濃茶路線，質地算滑。🥤草莓番石榴乳酸飲 跟餐$36果味香濃，酸酸甜甜，飲落幾清新，乳酸感唔重，唔會膩口，啱晒食完主食後refresh下。🥭芒果生椰乳 跟餐$46芒果味突出，椰香淡雅，質地較為稠身，口感滑順，好飲得嚟都有飽肚感。TERA食物水準唔錯，無論甜
🥞榛子焙茶梳乎厘班戟 $138
焙茶同榛子原本諗住會唔會有啲搶味，點知配合得出奇地夾。焙茶忌廉有茶香，唔會甜膩，梳乎厘班戟超級鬆軟濕潤，食落有空氣感。焙茶牛奶布丁粒滑溜，榛子脆脆同金寶粒令口感更豐富，每啖都充滿層次感，好值得一試👍🏻
🍝帆立貝明太子蟹肉扁意粉 $128明太子醬鹹香突出，掛汁力強，扁意粉煙韌得嚟唔會過腍，帆立貝都幾大粒，配埋啖啖鮮甜蟹肉，鮮味更加升級，味道有驚喜。
🍖慢煮加拿大保濕豬鞍架 $178一上枱已經聞到陣陣肉香🐷，外層微焦，裡面軟嫩多汁，好易咬開。調味輕手，成功保留咗豬鞍原始嘅肉香。配菜沙律同蘆筍都幾新鮮，食完覺得冇咁heavy🤣
🍦自家製抹茶雪糕 $48抹茶味溫和，但稍微偏甜，唔係走苦澀濃茶路線，質地算滑。
🥤草莓番石榴乳酸飲 跟餐$36果味香濃，酸酸甜甜，飲落幾清新，乳酸感唔重，唔會膩口，啱晒食完主食後refresh下。
🥭芒果生椰乳 跟餐$46
芒果味突出，椰香淡雅，質地較為稠身，口感滑順，好飲得嚟都有飽肚感。
TERA食物水準唔錯，無論甜品定主食都有一定水準，加上環境舒服靜靜地好放鬆。如果想搵間Cafe慢慢chill住傾偈，又唔想太heavy，呢度絕對係一個唔錯選擇！
张贴
