龍亭

好耐冇食鐵板燒啦，今次同朋友去咗呢一間人世嘅鐵板燒店，位於佐敦，門口望落去非常之氣派我哋叫咗兩個中位價錢嘅套餐，最平嘅套餐係$588 ，我哋嘅就係$788 ，最貴嘅就係1088$788 套餐有七道菜招牌沙律有煙三文魚 鱘魚子醬 龍珠果，龍珠果好鮮甜👍🏻前菜蘭王溫泉蛋配魚子醬，仲有食用花裝飾添，蘭王蛋好好食好濃味！刺身一品而家睇返發現原來比漏咗刺身⋯⋯鐵板海鮮兩品師傅勁好幫我哋兩個配咗四款唔同嘅海鮮，竹碳鹽係用嚟配白鱔，個皮燒到好脆，白鱔肉質非常嫩滑好食，鮑魚細細隻，但係都幾彈牙，意大利黃瓜有啲油，帶子配上魚子醬幾鮮味，虎蝦都算大隻，配上紫蘇葉泡沫口感特別又提鮮。鐵板料理有三款可以選擇澳洲牛柳粒/美國安格斯牛肉薄燒卷/宮城縣厚切黑豚扒，我哋兩個食肉獸都揀咗牛柳，叫咗三成熟，不過因為牛係一塊厚一塊薄，體積唔同，所以薄嗰塊師傅整得熟咗，我哋要求三成熟嘅～菊花豆腐白麵豉湯略為偏咸，而且豆腐冇菊花嘅形狀，有少少失望。黑松露海鮮炒飯黑松露好惹味，而且師傅又係用咗蘭王雞蛋去炒飯，超級香唔錯。甜品是日甜品係紫薯雪糕，溶得好快大家要快啲食開咗支細嘅清酒一齊飲，味道唔錯！📍 龍亭佐敦寧波街27-31號地下