百芳池上便當 (希慎廣場)

营业中

休息中

百芳池上已經可以係我lunch既食堂, 當唔知想食咩既時候就會諗起, 所以都食過好多次。多數都會外賣返去食, 而食得最多既係豬扒便當🍱午餐價錢$63, 又低食又好味😋呢間便當飯量可以選擇, 方便胃口唔同既人揀, 而且仲有好多配料。有滷粉絲、粟米肉碎、半粒滷蛋、菜同醃辣菜脯, 所以每次都可以食到好飽🤤而豬扒既味道同係台灣食既味道一樣, 肉質唔肥, 帶點乾身又唔柴, 而且冇骨, 可以大啖大啖食。最值得一贊既係辣菜脯, 微辣脆口, 撈飯食一流。跟餐配左一杯微甜熱紅茶🧋係台灣早餐店既味道, 正好可以解膩。