壹蒸鍋

营业中

休息中

食蒸海鮮都可以咁平, 真係要試試既, 難得D朋友仲要訂埋位. 咁就要去食下啦。一坐低就揀個湯底就等運到....唔係, 等海鮮到, 咁等既時候侍應俾左張刺身紙我地, 點完之後就可出去拎醬油!呢度D醬料好多款, 好世界級, 乜都有, 實有一款你岩。拎完一返到去, 就見到大大盤刺身上左枱, 食落都唔差WOR, 驚喜!跟住D蒸海鮮就陸陸續續咁上, 其實咁樣係面前蒸住黎食, D海鮮真係非常好食, 原汁原味!基本上食海鮮都食飽... 哈哈, 不過唔夠喉既話仲可以打邊爐, 雖然唔及出面打邊爐咁多花款, 但貴精不貴多嘛, 最緊要好味!又食左大量肥牛.... 最後飽到上心口, 質素都唔差, 係好食既。不過要注意人真係好多.... 最好訂左位先, 唔係有排等。順帶一提, 佢仲係任飲, 汽水果汁啤酒都有, 岩哂一大班朋友去吹水。