影片
更多
2022-05-02
110 浏览
終於放寬返4人同枱食飯啦~~~我地3個人係旺角行完街，咁啱見到依間Nam Virt Nam Cafe既裝修好精緻，燈光都柔和舒適，所以就決定食依間，果然食物質素都冇令我哋失望😍🤤南越炸豬肉春卷（6條） $42呢個春卷炸到金黃色，熱辣辣擺入口真係好好口感。春卷外層一點都唔厚，外脆鬆軟唔油膩，食完一舊想食多一舊。入面嘅豬肉都非常豐富，鹹味適中，記得上枱時要趁熱食😍😍。扎肉心內美米紙卷（2條）$58呢個米紙卷總共有四件，每個都晶瑩通透，而且口感Q彈，入面包住滿滿既札肉同新鮮蔬菜，味道清新爽口，配埋香濃既花生醬🥜，又有另一種風味。南越蟹肉醬 配脆球餅 $68脆球餅入口脆卜卜，而且醬料有勁多蟹肉，加埋紅蘿蔔絲同青瓜片，口感清新爽脆，充滿越南既特色。NVN 南越法式麵包 $78首先第一個like真係好貼心，將法式面包切半分開，第二個like就係佢真係好重料，d豬肉扎肉多到離曬譜，啱曬我呢個食肉獸！🥰細心d睇d夾雜蔬菜，口感好fresh，配搭埋個法式麵包、越食越有滿足感。南越蛋咖啡（熱）$35咖啡非常香濃醇厚，而面層既焦糖蛋非常有驚喜，不但十分香脆，蛋泡沫更充滿蛋香，依杯咖啡同焦糖蛋簡直係無敵組
南越炸豬肉春卷（6條） $42呢個春卷炸到金黃色，熱辣辣擺入口真係好好口感。春卷外層一點都唔厚，外脆鬆軟唔油膩，食完一舊想食多一舊。入面嘅豬肉都非常豐富，鹹味適中，記得上枱時要趁熱食😍😍。
扎肉心內美米紙卷（2條）$58
呢個米紙卷總共有四件，每個都晶瑩通透，而且口感Q彈，入面包住滿滿既札肉同新鮮蔬菜，味道清新爽口，配埋香濃既花生醬🥜，又有另一種風味。
南越蟹肉醬 配脆球餅 $68
脆球餅入口脆卜卜，而且醬料有勁多蟹肉，加埋紅蘿蔔絲同青瓜片，口感清新爽脆，充滿越南既特色。
NVN 南越法式麵包 $78
首先第一個like真係好貼心，將法式面包切半分開，第二個like就係佢真係好重料，d豬肉扎肉多到離曬譜，啱曬我呢個食肉獸！🥰細心d睇d夾雜蔬菜，口感好fresh，配搭埋個法式麵包、越食越有滿足感。
南越蛋咖啡（熱）$35
咖啡非常香濃醇厚，而面層既焦糖蛋非常有驚喜，不但十分香脆，蛋泡沫更充滿蛋香，依杯咖啡同焦糖蛋簡直係無敵組合。
BERRIES $58
入口酸酸甜甜，作為開胃既飲品，佢就一定拎滿分，而且紅莓味非常濃郁，唔中意酒味濃既就非常推介依杯🍹。
斑蕑龍眼茶(冷) $23
味道清甜而不會太甜，加上淡淡既斑蘭香味，成個配搭非常清新解膩，啱晒依加炎熱既天氣😝😝。
[嫲嫲南越湯] 招牌金邊粉 $88
金邊粉非常爽滑彈牙，而且材料多到好誇張，有牛肉片，牛丸，牛骨，牛筋和油條及越南香料，成個湯非常香濃同清甜，而油條非常之脆，索埋湯既精華，簡直不得了。🤩🤩
张贴
