影片
更多
2018-05-17
361 浏览
好耐無去旺角，今日同朋友行街，行到去兆萬附近見到好多人企喺街度宣傳，原來不知不覺間開左咁多唔好種類嘅放題！雖然天氣已經開始熱，但有冷氣嘅情況下亦都無損我哋想打邊爐嘅慾望！見到有間寫住有蒸海鮮加火鍋，我哋二話不說就揀咗呢間喇！我哋食嘅時段係18:30-2130, 想蒸龍蝦所以價錢係每位$229，但只要每位加多$30就可以食埋刺身，我哋今次食豪啲加埋佢，哈哈！第一round先嚟個刺身，有三文魚、甜蝦、蟹棒、魷魚、响螺...全部都好新鮮嘅！正！飲品方面都幾多款式揀，仲有啤酒可以啤啤佢！好貼心咁有個暖櫃放左烏龍茶、綠茶、冬瓜茶等等！一開始先蒸海鮮，枱上面有個鬧鐘方便提醒食得，確保唔會過咗火，好貼心~ 海鮮種類都好多呀！有龍蝦、魷魚、扇貝、鮑魚、蠔、龍躉等等，兩個人就每種兩份！味道好新鮮，尤其係龍蝦好鮮好爽口，好正！蠔仔都好香蠔味！有時有啲地方會怕啲海鮮會有沙，呢度絕對無！叫多咗一轉蒸海鮮，但今次叫啲菜同魚頭試下！仲有叫咗兩隻小龍包，皮薄饀正！裡面係有湯汁嗰隻，本身好想再叫，但怕無時間，所以就下次再食過！哈哈！粥底火鍋點少得另一主角粥底呢？我哋叫咗龍躉粥底！嘩！啖粥入口真係好甜，因為除咗龍躉之外
我哋食嘅時段係18:30-2130, 想蒸龍蝦所以價錢係每位$229，但只要每位加多$30就可以食埋刺身，我哋今次食豪啲加埋佢，哈哈！
第一round先嚟個刺身，有三文魚、甜蝦、蟹棒、魷魚、响螺...全部都好新鮮嘅！正！
飲品方面都幾多款式揀，仲有啤酒可以啤啤佢！好貼心咁有個暖櫃放左烏龍茶、綠茶、冬瓜茶等等！
一開始先蒸海鮮，枱上面有個鬧鐘方便提醒食得，確保唔會過咗火，好貼心~ 海鮮種類都好多呀！有龍蝦、魷魚、扇貝、鮑魚、蠔、龍躉等等，兩個人就每種兩份！味道好新鮮，尤其係龍蝦好鮮好爽口，好正！蠔仔都好香蠔味！有時有啲地方會怕啲海鮮會有沙，呢度絕對無！
叫多咗一轉蒸海鮮，但今次叫啲菜同魚頭試下！仲有叫咗兩隻小龍包，皮薄饀正！裡面係有湯汁嗰隻，本身好想再叫，但怕無時間，所以就下次再食過！哈哈！
粥底火鍋點少得另一主角粥底呢？我哋叫咗龍躉粥底！嘩！啖粥入口真係好甜，因為除咗龍躉之外，仲有頭先蒸海鮮啲精華喺入面，我哋兩個每人食左兩碗！
最後叫店員幫我哋加湯，開始打邊爐喇！由於我哋已經食咗好多嘢，所以火鍋配料唔算叫咗好多！有最基本嘅肥牛、羊肉片、响鈴等等！都怕食唔晒，但我哋有盡力唔浪費食物嘅！哈哈！
整體嚟講除咗抵食，食物都係好值得以呢個價錢去食，所以好快已經安排緊下次帶埋屋企人嚟食喇！
张贴
