坐低用平板電腦點菜，見到佢食物種類非常多，除咗和牛仲有雞及豬肉選擇，仲有好多日式前菜，沙律，壽司，拉麵及甜品，種類非常多！以飲品就自助添飲，有汽水咖啡茶之旅，你仲可以加錢飲啤酒！
坐低即時叫咗好多薩摩牛不同部位，上枱碟碟都油花分明，全部都有雪花效果。
里肌肉，經大火燒熟，牛肉非常幼嫩，香氣撲鼻，肉味好香濃，肉質鬆化，口感特別軟滑。
牛五花，油份更加豐富，入口即溶，油香又帶點奶油香，完全食唔停口。
涮涮燒，會配有一個滑蛋，只需要大火輕炙兩邊，加入蛋漿，入口又香又滑，完全唔需要咀嚼，吃得出薩摩牛獨一無二嘅口感，即是在order多咗幾碟，估唔到任食都有呢個水準！
餐廳仲有啲稀有部份（每隻和牛得幾個%的部位），需要另外加錢，就試咗一碟肉裙肉，口感同之前一樣，但多咗份爽脆，有少少似食牛腩邊嘅位置，加上和牛肉香，口感獨特。
餐廳仲有其他地方牛嘅選擇，牛舌，橫膈膜及其他位置。
個人推介雞腿肉夠晒彈牙，肉質粉嫩。最鍾意食嘅雞翼，外皮燒到焦香，皮脆肉嫩，都不錯。雞心及其他雞內臟都幾有水準。
甜品方面仲有每人一杯嘅Häagen-Dazs雪糕及好多日式甜品，不過真係食唔落，所以點一個檸檬啫喱幫助消化吓。Menu仲有好多食物想試，不過因為食得太多和牛，所以胃都沒有多餘位置，唯有下次再試吓！
