影片
更多
2017-09-13
4976 浏览
今晚約左幾個朋友去食火鍋😋😋對上一次食 已經係幾個月前 好懷念任食唔嬲既放題大餐 朋友話銅鑼灣既101 手工涮涮鍋好唔錯 係一間有幾受歡迎既餐廳 食物款式又多 質素都唔錯 所以我同幾個朋友就決定今晚去試下～店內裝潢別具特色 簡潔時尚 仲有一個好有格調既bar 枱 我地可以睇住佢調酒同埋製作其他飲料 🍸🍹食物既款式的確係好多😋 有一張係主菜單 一張係追加點菜紙 每張都有兩面 其中主菜單係中英對照 照顧不同食客既需要 😎另外仲有一份飲料餐牌 有汽水、沙冰同埋各種酒精類飲品🍸枱面已經放好一套餐具、濕紙巾、一對食用筷子、一對火鍋專用筷子同埋火鍋湯匙另外仲有多款配料俾大家自行選擇醬油既味道 我個人比較中意蒜同埋辣椒 亦都加左香蔥同埋辣椒油 🌶手工麻辣麻醬手撕雞 + 秘製麻辣木耳呢兩道前菜都帶點微辣 木耳爽口彈牙 食落都幾清新 可以先開一開胃 而手撕雞好受歡迎 我地好快就一掃而空 後來仲追加左兩次添 😋😋好快店員就為我地端上台灣紅燒牛肉涮涮鍋湯底 我地都迫不及待想放啲鍋物落去 🍲盆栽特濃朱古力珍珠奶茶喺等緊主食黎到既時候 我地點左幾杯飲品 呢杯係台式奶茶加埋珍珠同埋朱古力粉 可能因為有特濃朱古力
店內裝潢別具特色 簡潔時尚 仲有一個好有格調既bar 枱 我地可以睇住佢調酒同埋製作其他飲料 🍸🍹
食物既款式的確係好多😋 有一張係主菜單 一張係追加點菜紙 每張都有兩面 其中主菜單係中英對照 照顧不同食客既需要 😎另外仲有一份飲料餐牌 有汽水、沙冰同埋各種酒精類飲品🍸
枱面已經放好一套餐具、濕紙巾、一對食用筷子、一對火鍋專用筷子同埋火鍋湯匙
另外仲有多款配料俾大家自行選擇醬油既味道 我個人比較中意蒜同埋辣椒 亦都加左香蔥同埋辣椒油 🌶
手工麻辣麻醬手撕雞 + 秘製麻辣木耳
呢兩道前菜都帶點微辣 木耳爽口彈牙 食落都幾清新 可以先開一開胃 而手撕雞好受歡迎 我地好快就一掃而空 後來仲追加左兩次添 😋😋
好快店員就為我地端上台灣紅燒牛肉涮涮鍋湯底 我地都迫不及待想放啲鍋物落去 🍲
盆栽特濃朱古力珍珠奶茶
喺等緊主食黎到既時候 我地點左幾杯飲品 呢杯係台式奶茶加埋珍珠同埋朱古力粉 可能因為有特濃朱古力 所以呢個奶茶比較甜 配埋煙韌彈牙既珍珠 不愧係台灣聞名既特式飲品 甚至比我地喺台灣飲到既珍珠奶茶更好味 👍🏼
巨蜂提子沙冰 🍹
好快又上左一杯超可愛超有特式既飲品 佢既下面係用酒杯裝既巨蜂提子汽水 上面插住一枝樽裝雪碧 一路飲 上面既汽水就一路湧出黎 咁就唔怕提子汁被冰溝淡啦😛
響鈴 + 炸魚皮
我最中意將響鈴放入沸騰既火鍋湯內 再迅速地將佢地撈起黎 等響鈴吸盡火鍋湯既精華之餘 仍然保持一定既口感☺️ 煮炸魚皮既原理都係差唔多 最緊要保留香脆既口感 😋
手切安格斯Prime Grade 牛頸脊肥牛片🐮
重頭戲牛肉出現喇 呢碟係安格斯肥牛 切得好薄 所以非常易熟 我地放左佢落鍋五分鐘 就已經食得 😋 牛肉既味道好鮮美 食到我地lam lam 脷 👅
西班牙伊比利亞玫瑰黑毛豬頸肉 🐖
最令我印象深刻既 必定係黑毛豬頸肉 廚師竟然將食材造成好靚既玫瑰花🌹 創意十足 令我同朋友都唔捨得食左佢 我地食完其他食物之後 先捨得將佢放入火鍋內～
多款丸類 x 餃子 x 台式小吃
魚皮餃同黑松露餃子都好唔錯 皮薄餡靚 仲有各款特色丸類例如安格斯霜降牛丸、三重芝士鮮製蝦丸、三重芝士鮮製墨魚丸等等 🍡
另外仲有別具特色既太極冬菇同埋墨魚汁鳥結糖 雖然冇諗過可以將糖放落火鍋 但估唔到味道都唔差 都幾特別 😂
我地後來仲追加左其他丸同鍋物 例如芝士丸、貢丸、午餐肉、芝士竹輪、翠肉龍珠同埋章魚餅等等 真係應有盡有 款式多到你食唔完 👍🏼😋
足八吋長鱈場蟹棒 🦀
一定要為呢個蟹棒黎一個大特寫 真係好長好大條 冇花冇假非常足料 我地食完都讚不絕口 佢充滿蟹肉既鮮味 口感嫩滑 🦀🤤
我同朋友都覺得今餐好滿足 岩曬大食既我地😜 服務員好熱心 又會加湯同埋幫我地清理碗碟 好貼心～ 下次有機會再帶朋友去食過 ☺️
张贴
