影片
更多
2017-08-18
91 浏览
呢間台灣101手工涮涮鍋最近非常hit，尖沙咀都好似有間，朋友拉咗我嚟食，當日嘅人都有算好多，大部分都係梳化椅，坐落去軟林林，非常舒適。佢有唔少套餐，包括串燒套餐和涮涮鍋套餐，我們選擇了涮涮鍋套餐。首先出嘅係前菜：手工麻辣麻醬手撕雞，食落微辣，但感覺略為鹹了一點，麻醬和手撕雞辣汁的味道非常之夾。秘製麻辣木耳，爽口嘅木耳令人非常開胃。鍋底可以自由選擇，比較出名嘅係卜卜蜆，意思係火鍋入面有大量嘅蜆肉，我哋揀咗台灣香辣三杯卜卜蜆涮涮鍋，由於係可以自行選擇辣度，我哋揀咗bbbb辣，辣度算係中等，比想像中辣。除咗含有大量靚蜆之外，亦有大量配菜，非常豐富， 蜆肉冇沙，細細隻非常嫩滑！以下就係二選一，一人一份。咁樣當然想試多啲嘢喇，所以我哋一人嗌咗一碟101特選手工火鍋拼盤，可以見到所有食物都是新鮮製造，唔係直接攞貨+好容易帶有雪藏。墨魚汁鳥結糖，墨汁味非常之香濃，口感比較硬身，像是硬魚旦。太極冬菇，冬菇上面有一些魚滑和蟹籽。安格斯霜降牛丸，這個牛丸夠曬爽口彈牙，同時亦都唔會痴牙。還三重芝士鮮制蝦丸，三重芝士鮮制墨魚丸，黑松露蟹子海鮮軍艦和黑松露蟹肉餃。特別鍾意呢一個黑松露芝士豚肉九，原因係黑松露味
佢有唔少套餐，包括串燒套餐和涮涮鍋套餐，我們選擇了涮涮鍋套餐。
首先出嘅係前菜：手工麻辣麻醬手撕雞，食落微辣，但感覺略為鹹了一點，麻醬和手撕雞辣汁的味道非常之夾。秘製麻辣木耳，爽口嘅木耳令人非常開胃。
鍋底可以自由選擇，比較出名嘅係卜卜蜆，意思係火鍋入面有大量嘅蜆肉，我哋揀咗台灣香辣三杯卜卜蜆涮涮鍋，由於係可以自行選擇辣度，我哋揀咗bbbb辣，辣度算係中等，比想像中辣。除咗含有大量靚蜆之外，亦有大量配菜，非常豐富， 蜆肉冇沙，細細隻非常嫩滑！
以下就係二選一，一人一份。咁樣當然想試多啲嘢喇，所以我哋一人嗌咗一碟101特選手工火鍋拼盤，可以見到所有食物都是新鮮製造，唔係直接攞貨+好容易帶有雪藏。
墨魚汁鳥結糖，墨汁味非常之香濃，口感比較硬身，像是硬魚旦。太極冬菇，冬菇上面有一些魚滑和蟹籽。安格斯霜降牛丸，這個牛丸夠曬爽口彈牙，同時亦都唔會痴牙。還三重芝士鮮制蝦丸，三重芝士鮮制墨魚丸，黑松露蟹子海鮮軍艦和黑松露蟹肉餃。特別鍾意呢一個黑松露芝士豚肉九，原因係黑松露味撲鼻而來，濃而不膩，必點。至於其他嘅食物味道都唔錯，頗有特色。
而朋友就比較鍾意台式嘅嘢，所以佢嗌咗呢一個鹵水拼盤，呢啲鹵水拼盤係熱食，一定要擺入鍋碌下之後先可以食，有滷水豬耳，滷水蛋，滷水腎片，滷水大腸，滷水牛肚和鹽水雞翼。我試咗鹽水雞翼同埋滷水腎片，腎片嘅味道非常之夠，而且不會太鹹，深得我心，另外鹽水雞翼都好正，雞肉非常之嫩滑，最後連雞皮都食埋。
圓子平時喺糖水店就食得多，打入去火鍋度整熟真係好好笑，所以我哋問下職員台灣九份紫薯芋圓和台灣九份地瓜芋圓又鹹又甜係咩玩法，佢同我哋講即使係整熟咗都好好食，咁我哋就試下啦，又估唔到味道咁正，香芋味非常香濃，啱曬啲煙靭控食，最最最最最鍾意就係呢個紫薯水晶包， 我哋最後仲refill咗一次添，裏面係紫薯蓉。還有手工即炸響鈴卷配手工即炸魚皮，好香口。
我哋兩個人所以有一碟牛或者豬肉揀朋友揀咗（每兩位送一碟）
西班牙伊比利亞黑毛豬肉片，脂肪分佈平均，肉質不錯，口感相對比較軟淋，食完唔會感覺好油膩，索曬啲湯汁超好食。
平時一般嘅火鍋放題只係飲普通嘅汽水，但係呢度有珍珠奶茶，選擇非常之多。朋友嗌咗芒果沙冰配雪碧，睇個賣相就知道 出去飲一杯都要幾十蚊果類。而我就嗌咗 朱古力珍珠，面頭有些曲奇餅乾碎，雖然係林咗，但係撈落啲cream度都幾好味，珍珠夠曬煙韌彈牙。
除咗嘢食方面，點解我話呢間係bar呢？原因係佢出面有一個露台，係畀人入去睇望住銅鑼灣維港嘅景色，邊飲野食野，吸煙人士都Ok. 所以話呢間餐飯的食物質素唔錯，仲有得睇景，真係賺咗。
张贴
