佢哋22/9推出咗中秋節活動，直至12/10都有，參加燈謎遊戲，特別要讚讚嗰位拎住抽獎箱嘅小姐姐，佢好識搞氣氛，答對就可以攞到小禮物。
除咗燈謎遊戲，佢哋推出咗兩個新湯底：聰明魷魚沙茶鍋同養生菇菌燉雞鍋。我哋併咗咗鴛鴦鍋，兩個湯底各有特色，好足料。
日本黑毛和牛A4+跟個海鮮拼盤，包括生蠔、鱔片、鮮鮑魚同扇貝，每一樣都新鮮。加上和牛牛丸，爽口爆汁。和牛唔使講就梗系嫩滑，仲有手切封門柳，口感同樣一絕。
懷舊系列嘅選擇亦都好吸引，三和夜市雞皮卷、滷味五香雞胗、海苔鹽酥雞等，味道懷舊又美味，令人懷念。特別係阿嬤豆乾魚蓉麵，好想再食多碗，但已經好飽。
我仲特別點咗杯港式檸檬茶(伏特加特調)，酒味唔濃，清爽又好飲，真係火鍋好拍檔！如果你有一大班朋友聚會，牛大人真係一個好選擇，食物選擇多，大家可以一齊試唔同嘅味道，保證唔會悶！下次一定要再去！
