牛大人台灣火鍋吃到飽 (偉華中心)

营业中

休息中

牛大人-黑與白的盛宴講到香港最愛嘅打邊爐，牛大人都係排喺Top 3。最近牛大人聯乘福豆腐推出咗期間限定Menu「黑與白的盛宴」，等我帶大家睇吓有啲乜嘢新嘢先。黑白湯底兩款限定湯底分別係黑金蒜王土雞鍋和雪白御鮮豆腐鍋。香濃嘅黑蒜和三文魚豆腐湯，一濃一淡形成味道嘅層次。黑與白食品「黑」嘅代表分別有百福黑豆腐、黑芝麻麻吉燒、蟹籽墨汁漿。雪映山葵豆腐、鹽酥髒髒雞、香烤墨汁腸。「白」嘅代表就有百福白豆腐、芝士麻吉燒、澎湖花枝漿。小食就有藤香鮑魚豆腐、鹽酥美乃雞、魚香皮蛋豆腐。甜品飲品仙花雙圓：仙草豆腐花珍珠小丸子半杯晨光·半杯暮色：本地手工啤酒少爺啤嘅Pilsner和Stout芝麻豆漿黑旋風（Like FB/IG）：細膩豆香和Q彈珍珠牛大人台灣火鍋吃到飽 (偉華中心) (沙田)沙田沙田正街11-17號偉華中心2樓9A-9B號舖牛大人-牛大人-黑與白的盛宴講到香港最愛嘅打邊爐，牛大人都係排喺Top 3。最近牛大人聯乘福豆腐推出咗期間限定Menu「黑與白的盛宴」，等我帶大家睇吓有啲乜嘢新嘢先。黑白湯底兩款限定湯底分別係黑金蒜王土雞鍋和雪白御鮮豆腐鍋。香濃嘅黑蒜和三文魚豆腐湯，一濃一淡形成味道嘅層次。

我同朋友都比較偏好食菜，所以揀咗個最平嘅$148午市90分鐘套餐，試盡佢嘅菜同小食計埋加一埋單$163一位！一黎到有位坐，午市無滿座。Scan QR code叫下小食先，部分小食要加錢，我地叫咗啲全部都唔洗額外加錢。全部小食5-10分鐘都送到。梅甘酥脆薯皮真係脆，亦熱。味道中規中矩，唔會太甜/鹼。鹽酥雞一樣係脆同熱，如果可以加辣粉就好啦糖醋甜不辣鬼馬老油條魚漿水餃牛大人最吸引人就係佢啲茶！有4款：桂花烏龍、白桃烏龍、洛神花茶、武夷大紅袍我最鍾意飲洛神花茶，少少酸酸地夠曬開胃。醬料區選擇唔少，亦都乾乾淨淨。值得一提係我地今次點咗麻辣湯底，湯底本身已經超級夠味！加少少蔥蒜都好足夠香！隔離有啲王子麵、新竹米粉、噹噹烏冬等比人揀。亦有白飯同肉燥提供。材料區有兩個呢張相咁大嘅材料區，另一邊係雜丸之類。長期都有人揀緊，所以影唔到相。有幾個鋏比人夾野，但覺得唔太夠，要排隊夾。食物算新鮮，整整齊齊，有keep住refill。我最推薦就係—寬粉！煙煙韌韌另外佢啲冬菇已經係半熟咗，唔洗由零開始烚，有排熟甜品區就係得咁多，5款選擇左右。最左邊全部都係雲呢拿味。總結，中規中矩。食物選擇感覺上比以前少咗，但食物

今日同bb黎食飯慶祝白色情人節牛肉好新鮮好好味道羊肉都好騷bb仲掉左隻雞蛋落湯底話要整隻愛心恰蛋比我食❤️❤️最驚喜係見到有心型牛肉即刻同bb影左相留念😳😳

經常黎食，都會嗌1款湯底今次坐低，店員會細心幫我地睇下會員有咩優惠可以用。所以今次除左折扣之外，嗌埋鴛鴦湯底。新湯底： 胡椒豬肚，好驚喜，直接飲真係有出面飲胡椒豬肚果種辣辣地嘅風味。原先以為落肉打邊爐會影響食牛肉嘅味道，出奇地又無好搶到味。⭐️主要留言係想讚揚員工細心，以往其實都會嗌沙白，不得不說，唔係每次都處理得好，好似抽獎咁，好多次都好多沙，吐唔乾淨，不過我地又唔死心次次都嗌1次。今次唔好彩地，非常多沙，令到個湯底由原先淺啡色，變左灰色，本身打算其實都食到1半，而我地鴛鴦湯底可以烚另一邊，點知嗌加湯時，店員見到我地個湯底變左色，知道應該係爆左沙，最後嗌咗個Senior嘅同事過黎幫我地換過成煲湯底。讚揚2位細心同事❤️

派好肚餓，同埋好想食肉 所以就決定同男朋友去lunch打邊爐放題 但係又唔想咁貴 所以揀最平嗰個套餐 有得食牛豬同雞一款 當然係最平質素，唔好期望太高 牛嘅話麻麻哋好硬 牛尾都好淡 反而豬肉有驚喜好林又唔會太肥 雞嘅話都唔會有啲咩變化 食唔出有酒味？不過食開另計嘅男朋友就話呢啲計無味。 梗係俾啲雪藏嘢你啦。有少量選擇小食 我撳咗皮蛋豆腐，類似百福豆腐，然後一啲唔靚質素嘅皮蛋一啲都唔會流心麻麻哋炸雞粒同埋番薯粒有好多蔬菜同丸正常發揮新鮮嘢飲亦都好多選擇 個雪櫃有個莊雪糕好隱藏🍦買㗎整體而言質素不過不失

天文台預測今日最低氣溫係10度，有乜嘢好得過喺咁凍嘅天氣，去暖笠笠嘅火鍋店打邊爐？我哋今次又係頭圍用膳，性價比依舊超級高！因我哋食肉唔多，所以就揀咗218個餐。兩人埋單食到捧住個肚走都只係五舊水。尤其係已經好多人北上消費嘅情況下，店內仍人頭湧湧，可想而知係幾受歡迎！今次我哋試咗個胡椒豬肚雞湯，侍應捧住鍋湯送上嚟嘅時候，已經聞到好香嘅胡椒味，飲完湯簡直成身暖曬！出面自助區最正嘅係爽脆牛柏葉同埋清甜白蘿蔔！仲有蜂巢豆腐，索曬啲湯汁，好好味每年天氣特別凍嗰幾日，我都好好好~~~想打邊爐，又唔駛喺屋企洗咁多食材，所以最好都係嚟牛大人開餐啦，依家仲有任食雪糕Bar，正呀喂

心血來潮突然間想打邊爐，牛大人就係我不斷翻兜之選🤗今日好好彩1930左右walkin唔洗等位就即刻入得。今次就試左佢新推出既A4+黑毛和牛吃到飽套餐，配搭上台灣鳳梨雞鍋拼夫人秘方麻辣鍋（小辣）。主角和牛既油花分布均勻，牛味濃郁，直頭食到停唔到口。跟餐每位都會附送兩粒鮮嫩多汁既澳洲M9和牛牛丸。仲有！仲有！海鮮拼盤添啊😍有蠔、鮑魚、蟶子、扇貝，相當豐富。不得不提，牛大人竟然有得食我最鍾意嘅鮑魚🥰，而且仲有三款口味，包括：柚子燒汁鮑魚、炭燒鹽蔥鮑魚及古法醉鮑魚。個人最鍾意係炭燒鹽蔥鮑魚，好夠味次餘鮑魚仲酥脆彈牙，烹調時間拿捏得唔錯👍🏻。小食方面，我個人推介逢甲Q彈雞腳筋，煙靭爽脆帶點微辣，口感特別好少餐廳有得食。最後飲品方面，我個人就覺得一定要試吓鴨屎香檸檬茶，有獨特嘅檸檬味而且茶底濃郁唔澀。今餐我就食到飽飽捧住個肚走喇，有興趣既一定要黎牛大人吃到飽喇🤩舔舔脷指數👉🏻7.5😋/10😋滿分 值得一試😋

今日去咗沙田偉華中心的牛大人餐廳，個餐係$178 + 10% ,任食的除咗自助區的菜，丸，飲品，台式魯肉飯，麵，熱飲，雪糕。仲有用Q.R Code落order的肉類，我食的餐，可以order牛，豬，雞，豬大腸，牛肚。我記得牛大人剛開業的時候，lunch時間，只有 60 分鐘，同埋 90 分鐘2 款。90 分鐘是任食的，我記得有一次在旺角的牛大人食lunch, 是平日時間，一到90 分鐘便要立即走，無論食物是否食完。現在星期一至星期五，午餐任食時間由90 分鐘改成由1130 食到 1600. 可能競爭者多咗，所以，要延長時間來招來客人。 說真的，要食也食唔到 4 個半鐘。但食完可以繼續坐下傾下計，飲下野。的確是一個很好的安排。今日，我食咗牛，豬，雞，牛肚，豬大腸，自助區的丸類，其中一款丸，應該係貢丸，味道麻麻，其他絕對可以入得口。如果想用一個便宜價錢，可以食得飽，又可以慢慢食，可以同時和朋友吹下水。可以說是一個好地方，唯一，少少美中不足，收碟比較慢。有待改善。Waiter / waitress, 服務是好的。值得去食，如果在付近上班的，是一個好去處。但，日日去食，肯定体重增加。

當日大約七時多 已經坐無虛席👍性價比好高 好適合一家大細/朋友聚會去用餐❣️-火鍋湯底有10多款式選擇 有紅燒牛骨湯、酸菜鍋、麻辣、鳳梨雞、蕃茄、養生濃湯等 而且最近推出咗幾款期間限定 最後我地簡左魚白湯三文魚豆腐鍋 味道清甜 而且材料好足 作為火鍋湯底 同牛肉真系好夾🥢-💰日本黑毛和牛A4+💰448我哋叫咗佢新推出嘅和牛套餐 性價比好高👍🏻 每一塊都好厚身同大塊 而且仲係任食👏🏻和牛脂肪分佈均勻 入口肉質嫩滑多汁 口感有嚼勁😋每一口都感受到牛肉在口中溶化 油脂香濃‼️而且共有多達百款自助料理任食 性價比真係好高💯仲會送海鮮拼盤 好新鮮💯

牛大人午市一小時定量火鍋98元未加1任食菜、飲品、火鍋配料（選擇唔少）湯底麻辣中辣真係好辣吓，下次叫小辣午市：11:30-16:00（最後落單時間：15:30）扺食👍👍👍👍

📢新開嘅 牛大人Master Beef – 吃到飽台灣火鍋，唔使出到旺角，沙田區都有啦🔥🥘🥘今次叫咗個日本黑毛和牛A4+吃到飽 & 台灣濃香番茄鍋🥩🌊一埋位嘅海鮮拼盤真係好吸引有帶子、聖子、鮮甜鮑魚、生蠔新鮮大隻，爽口彈牙😙😙🥩呢個餐嘅主角日本黑毛和牛A4+ 文理非常清晰 脂肪同埋肉分布適中烚幾下就食得啦😙😙仲有粒澳洲M9和牛牛丸🐄咬落啲汁彈晒出嚟 好有肉地🐷伊比利亞黑毛豬梅肉 好有口感另外仲有其他嘅配料，例如台式蝦餃、花蓮扁食（手工小零吞）都好高質同埋份量合適唔係一般次貨😌😌😊😊🍺台灣特色嘢飲金桔椰果 酸梅汁最吸引嘅就係從9月1日起，晚市入座均可任食Mövenpick雪糕🍨 😍😍

牛大人都算係我心水火鍋店～原因很簡單：抵食又高質🤗 今日同樣揀咗90分鐘午餐的極尚和牛吃到飽套餐湯底我選咗牛大人紅燒牛骨湯，貪佢少少辣香龍惹味～ 但今期牛大人推出左限定湯鍋 - 『酸辣雙雄三椒酸菜鮮魚鍋』➕『醍醐蕃茄酸辣鍋』，有興趣嘅朋友都可以試吓！一次過可以食到唔同部位嘅牛肉，西班牙五花腩，牛扒秘製牛筋牛肚滷水大腸，蟹籽墨魚漿等～而家仲有升級回歸［澳洲和牛牛胸爽］口感出奇地爽脆，而且有啖啖濃厚牛味真係唔使擔心選擇困難症，鍾意食乜就食乜😆 除咗以上嘅食，仲可以出去火鍋材料區拎唔同嘅火鍋配料（丸類，脆皮腸，即食麵和各式蔬菜）店員都feel得好密，唔怕冇得食😊小食方面都推出咗全新涼拌小食『逢甲Q爽雞腳筋』～帶點微辣嘅雞腳筋煙韌爽脆口感並存，口感獨到，食住等鍋底就最啱！另外仲有『陳醋涼拌黑木耳』陳醋嘅酸酸甜甜，開胃又健康，配埋黑木耳清脆爽口口感，消暑一流飲品方面，照舊有好多唔同嘅冷泡茶,紙包及罐裝飲品～而家仲要有優惠，只要 Like & Follow 牛大人社交平台，開門市同事出示返畫面就馬上送「金鑽鳳梨椰奶西🥥」一杯！我仲見到宣傳單張，由9月1日起，晚市入座均可任食Mövenpick雪糕🍨

很久沒有去吃放題了，所以今次來到【牛大人台灣火鍋吃到飽】沙田分店盡情地吃吃吃，星期日晚上五時到達分店門口，已經有不少人在排隊等待入座，人氣依然非常強勁。套餐都可以在十多款台式湯底中任選一款，更發現有2款限定特色湯底【三椒酸菜鮮魚鍋】和【醍醐蕃茄酸辣鍋】，除了新湯底外，還有新登場的涼拌小食「逢甲Q爽雞腳筋」及「陳醋涼拌黑木耳」及升級回歸的【澳洲和牛牛胸爽】。今次點選了最貴的澳洲極上和牛吃到飽套餐，可以在120分鐘內用手機QR code點選食品肉類及到自助火鍋配料吧、任取麵食、丸類蔬菜及飲品，真的可以盡情地吃到飽為止，最欣賞是他們上菜及收碟速度都極快。個人覺得必食之選有: 【澳洲M9和牛牛丸】、【安格斯牛小排】、【澳洲和牛M5牛肩卷】、【澳洲和牛牛胸爽】、【羊肉片】、【梅甘酥脆薯】、【招牌凍豆腐】、【水蓮】、【鴨屎香檸檬茶】、【即炸午餐肉】、【士林豬血糕】、【紫芋卷】、【芝麻麻吉燒】、【黃金果雪糕】、【台中．仙草凍】等等。今次更有開心大發現，原來晚市入座均可以任食Mövenpick雪糕及甜品「台中．仙草凍」，真係非常滿足又開心。而只要讚好【牛大人】的 社交平台，出示已 Like & Fol

諗起台式火鍋 一定必食牛大人點知俾小妹發現最新套餐🤩 除左和牛外，伊比利亞黑毛豬梅肉都好出色，就算唔食嘅牛朋友都有好多選擇，因為跟餐仲送超高質海鮮拼盤🦪（蟶子、鮑魚、扇貝、生蠔等）其中鮑魚無限追加、澳洲M9和牛牛丸(每人兩粒，爆汁勁好味) 新款任食小食有鮑魚！相當驚喜！包括古法醉鮑魚（極推介🌟）、炭燒鹽蔥鮑魚、柚子燒汁鮑魚，三款都好出色🥹 套餐包哂Menu入面所有任食食材澳洲和牛M5 牛肩卷、美國SRF極黑牛、安格斯牛小排...🐮都有8款呀！！！紐西蘭羊卷肉、蟹籽墨汁漿、沙白、海蝦、脆肉鯇魚腩、都係小妹每次必點之選🙆🏻‍♀️ 嚟到牛大人點能夠唔提佢嘅小食！鹽酥雞、台灣香腸、梅甘酥脆薯，仲有新推即叫即整鬼馬松露油條🤭甜品雪糕有自家雪糕同MÖVENPICK，隱藏甜品就係麻吉燒(火鍋料)，記得最後一定要order，被小妹認為係昇華板嘅湯圓，外層口感好煙韌，入面流心花生/芝麻，勁正👏🏻

（沒有用餐優惠）湯底總共有十款任你揀，今期仲有限定湯鍋 - 酸辣雙雄『三椒酸菜鮮魚鍋』➕『醍醐蕃茄酸辣鍋』凡點「極上和牛套餐」每位會送澳洲M9和牛牛丸2粒；食物方面除咗有自助火鍋配料吧；掃Qr code仲有無限量肉類同多款打邊爐美食任君選擇任飲除咗基本汽水，仲有四款冷泡茶配自家設計隨行杯；而家仲做緊優惠，只要 Like & Follow 牛大人 社交平台，就馬上送你一杯「金鑽鳳梨椰奶西🥥」！而多款台式熟食同小食都好吸引；除咗滷肉飯仲有甜不辣、仙草凍；涼拌小食「逢甲Q爽雞腳筋」帶點微辣，雞腳筋煙韌爽脆👍🏻 ；「陳醋涼拌黑木耳」酸酸甜甜，超級開胃🤤走之前記得食甜品呀～而家晚市入座可以任食Mövenpick雪糕！🍨 （沒有用餐優惠）