渣華茶冰廳

营业中

休息中

發生咗一件事，我以後都唔會去幫襯話說個日食早餐，有隻死曱甴係喺杯凍檸茶嗰度，如果唔係我自己小心覺得有啲黑色嘅嘢喺入邊，佢好似茶葉渣咁。同啲騎呢嘅伙記講，淨係好快咁收走你隻杯話幫你換過杯，一句唔好意思都冇。以前真係又抵食，但而家已經唔係呀，食物質素下降得好緊要，啲侍應又好騎呢，啲位又迫又坐得唔舒服。佢哋態度差不特止，仲要老馮等佢做完嘢先俾你行過。要同人一齊坐，但係食物啲單嚟到亂晒籠⋯⋯次次要問嗰啲嘢係邊個嘅，一係就搞錯，態度又差，好似呼喝咁問係咪你㗎？就算嘢食好食都以後唔會再去，何況而家啲嘢食越嚟越唔好食。以前真心諗住撐啲小舖，見佢啱啱開業都好多人而家咁樣真係唔知佢會唔會提早執笠⋯⋯大家出去食嘢真係要小心啲睇清楚啲食物有冇加料。